BOTULIZM – ASOPATI XAVFLI BOʻLGAN KASALLIK
Ushbu xastalik ovqatdan zaharlanishning eng ogʻir turi hisoblanib, aksariyat hollarda uy sharoitida tayyorlangan pomidor, bodring tuzlamasi, baqlajon ikrasi va boshqa konserva mahsulotlarini isteʼmol qilish natijasida yuzaga keladi. Botulizm mikrobi konservalangan oziq-ovqat mahsulotlarida kislorodsiz muhitda tez koʻpayadi. Kasallikning yashirin davri 2 soatdan 3-4 kungacha choʻziladi.
Kasallikni keltirib chiqaruvchi omillar – uy sharoitida tayyorlangan pomidor, bodring tuzlamasi, baqlajon ikrasi va boshqa konserva mahsulotlaridir. Uy sharoitida tayyorlangan va aynigan konserva mahsulotlarini baʼzan mazasini taʼtib koʻrib, yutmaganda ham kasallanib qolish mumkin. Bunday vaqtda bemorni har kim oʻz bilgancha davolashi qatʼiyan maʼn etiladi.
Ovqatdan zaharlanishlarning ilk belgilari paydo boʻlsa, darhol shifokorga murojaat qilish kerak. Xonadon sharoitida konserva mahsulotlari tayyorlash texnologiyasi va yetarlicha sanitariya-gigena qoidalariga amal qilish imkoniyati mavjud emas. Bir soʻz bilan aytganda, uy sharoitida tayyorlangan konservalar isteʼmol uchun kafolatli deb boʻlmaydi. Shuning uchun koʻcha-koʻylarda sotilayotgan konserva mahsulotlarini xarid qilganda, yorligʻi, qaysi korxona tomonidan ishlab chiqarilganligi, sanasi hamda yaroqlilik muddatiga eʼtibor berish, xarid qilgan konserva bankalarni ochishdan oldin uni chayqamasdan koʻzdan kechirish, yaʼni bankadagi suyuqlik tiniqligiga, mahsulot ezilmaganligiga eʼtibor berish, konserva bankasining qopqogʻi shishgan, ochilib ketgan, tiniqligi buzilgan va boshqa koʻrsatkichlardan birortasi mavjud boʻlsa, bunday mahsulotni isteʼmol qilmaslik tavsiya etiladi.
Xulosa qilib aytganda, botulizm inson hayotiga jiddiy xavf soluvchi xastalik hisoblanadi. Albatta, yuqoridagi tavsiyalarga rioya qilib, oʻz salomatligingizga eʼtibor bersangiz, foydadan xoli boʻlmaydi.
Tamara Saidova, tuman Tibbiyot birlashmasi
Salomatlik boʻlimi shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
