Mangʻitda mehnat yarmarkasi
OʻzA, A.Ortiqboyev, 02.01.2014 15:16
Qoraqalpogʻiston Respublikasining Amudaryo tumanida boʻsh ish oʻrinlari yarmarkasi oʻtkazildi.
Obod turmush yilida Bandlik dasturi asosida tumanda 5 ming 259 yangi ish oʻrni yaratilib, ikki ming uch yuzdan ortiq kasb-hunar kolleji bitiruvchisi doimiy ish bilan taʼminlandi.
Mangʻit maishiy xizmat kasb-hunar kollejida oʻtkazilgan boʻsh ish oʻrinlari yarmarkasida yigirmadan ortiq korxona, tashkilot va fermer xoʻjaliklari ikki yuzga yaqin ish oʻrinlari taklif etdi. Oltmish nafardan ziyod fuqaroga ishga joylashish uchun yoʻllanma berildi.
– Prezidentimiz rahnamoligida yaratilayotgan keng sharoit va imkoniyatlardan foydalangan holda, tuman bandlikka koʻmaklashish va aholini ijtimoiy himoya qilish markazi yordamida tadbirkorlik faoliyatini yoʻlga qoʻymoqchiman, – deydi kollej bitiruvchisi Ruslan Yerdashev. – Imtiyozli kredit hisobidan avtomobillarga texnik xizmat koʻrsatish tsexi ochib, tengdoshlarimni ish bilan taʼminlamoqchiman.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
