KELGUSI YILDA MEHNAT YuTUQLARIMIZ YaNADA KOʻPAYaDI
2018-yil ob-havo sharoiti yomon boʻlishiga qaramasdan biz qishloq xoʻjaligi mehnatkashlari uchun omadli, barakali yil boʻldi, desak mubolagʻa boʻlmadi. Chunki biz mazkur yilda barcha ekinlarimizdan, ayniqsa paxtadan moʻl hosil olishga erishdik.
Men rahbarlik qilayotgan “Ermanov Oʻrozboy” fermer xoʻjaligi hisobida jami 61 gektar ekin maydoni mavjud boʻlib, uning 36 gektarini paxta ekishga moʻljallangan yerlar tashkil etadi.
Mazkur yilda biz shu yerlarni paxta ekishga tayyorlash ishlarini oʻzlarimizda sinalgan tajribalar asosida tashkil etdik. Yerning shoʻrini yaxshilab yuvish, dalaga mahalliy oʻgʻit tashib chiqarish kabi ishlar 2018-yilning dastlabki oylaridayoq amalga oshirildi.
Chigit ekishdan boshlab to gʻoʻzaning oxirgi parvarishigacha boʻlgan barcha ishlar yuksak agrtexnika qoidalariga asosan amalga oshirildi.
Bizning paxtachilikdagi tajribalarimiz, qolaversa fermer xoʻjaligimizda fidokorona mehnat qilayotgan 22 nafar pudratchilarimizning saʼy-harakatlari dalalarimizda moʻl paxta hosili yetishtirilishiga omil boʻldi. Natijada biz bu yil shartnomaviy rejamizdagi 77 tonna paxta oʻrniga davlatga 144 tonna “oq oltin” topshirishga muvaffaq boʻldik.
Mazkur yilda bizning har bir gektar yerdan olgan paxta hosilimiz 40 tsentnerni tashkil etdi. Biz bunday yutuqlarimiz bilan faxrlanamiz.
Fermer xoʻjaligimiz aʼzolari kelgusi 2019-yilda yanada koʻproq muvaffaqiyatlarni qoʻlga kiritishni niyat qilmoqdalar. Biz albatta bunga erishamiz.
Gulimboy AHMEDOV, “Ermanov Oʻrozboy”
fermer xoʻjaligi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
