Chekka qishloqdagi zamonaviy shifo maskani
Bizning Berdaq nomli qishloq vrachlik punktimiz xodimlari Nazarxon ovulidagi 778 ta xonadonda istiqomat qilayotgan 4470 nafar aholiga tibbiy xizmat koʻrsatib, ularning salomatligini yaxshilashga oʻzlarining munosib hissalarini qoʻshib kelmoqda.
Qishloq vrachlik punktimizda faoliyat koʻrsatayotgan ikki nafar shifokor va 11 nafar oʻrta maxsus tibbiyot xodimlarining saʼy-harakatlari bilan ovulimiz aholisi salomatligini yaxshilashda bir qancha yaxshi natijalarga erishilmoqda.
Aholi salomatligini muntazam ravishda nazorat qilib borishimiz, ularga zarur boʻlgan tibbiy yordamlarni oʻz vaqtida koʻrsatishimiz natijasida onalar oʻlimi toʻxtadi, bolalar oʻlimi esa keskin kamaydi.
Ovulimizda yashovchi aholining 1192 nafarini tugʻish yoshidagi ayollar, 93 nafarini 1 yoshgacha boʻlgan bolalar, 206 nafarini balogʻat yoshidagi oʻgʻil-qizlar tashkil etadi.
Qishloq vrachlik punktimiz xodimlari ovulda istiqomat qilayotgan 10 nafar imtiyozli guruhdagi fuqarolarga, 46 nafar nogironlarga va boshqa yordamga muhtoj kishilarga muntazam ravishda tibbiy yordam koʻrsatishga doimo eʼtibor beradilar.
Patronaj xodimlarimiz xonadonlarga tashriflari paytida fuqarolarga sogʻlom turmush tarziga eʼtiborni kuchaytirish, onalar salomatligini yaxshilash natijasida sogʻlom farzandni dunyoga keltirish, qarindoshlar oʻrtasidagi va erta nikohlarning oldini olish yuzasidan keng turda tushuntirish ishlarini olib bormoqdalar.
Nazarxon ovuli “Obod qishloq” dasturi asosida obodonlashtirilayotganligi bois bizning qishloq vrachlik punktimiz ham yangi qiyofa kasb etdi. Biz ayni kunda chiroyli binoda va shinam xonalarda faoliyat koʻrsatayapmiz.
Fursatdan foydalanib, barcha tibbiyot xodimlarini kasb bayramlari bilan chin qalbimdan muborakbod etaman.
Ulugʻbek YaVQAShEV, Berdaq nomli QVP mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
