Oʻzbekiston Respublikasi Konstitutsiyasining 21 yilligi oldidan
Har bir inson malakali tibbiy xizmatdan foydalanish huquqiga ega.
Oʻzbekiston Respublikasi Konstitutsiyasining
40-moddasi.
Shukronalar aytaman
Mustaqil davlatimizda shaxsning har jihatdan yetuk va sogʻlom hayot kechirishi uchun barcha zarur shart-sharoitlar yaratilgan. Ming bora shukurlar aytamiz: har birimiz ijtimoiy tomondan davlat muhofazasidamiz. Qanday ishga qoʻl urmaylik, barcha ezgu ishlarimiz uchun mustahkam konuniy asoslar mavjud. Barcha haq-huquqlarimiz Konstitutsiyamiz bilan kafolatlangan.
Yaqinda qattiq shamollab qoldim. Boz ustiga oilamizdagi bemavrid yoʻqotish – umr yoʻldoshimning vafoti meni karaxt holatga solib qoʻydi. Farzandlarim meni tuman tibbiyot birlashmasi tarkibidagi xoʻjalik hisobidagi reabilitatsiya markaziga olib borishdi. Bu yerda meni oliy toifali shifokor Gulnora Gulmanova ochiq chehra bilan kutib oldi. Toʻgʻrisi, hali davolanishga yotmasdanoq bu yerdagi mijoz-bemorlar uchun yaratilgan shart-sharoitdan koʻnglim yayrab ketdi, yengil tortdim.
Oʻzbekistondagi nufuzli dam olish maskanlaridan qolishmaydigan sharoitlar: trenajyor zali, dam olish xonasi, issiq-sovuq suv bilan barcha xonalar birday taʼminlangani, har bir xonada televizor, shaxmat-shashka, dilga huzur bagʻishlovchi tabiiy gullar – hamma-hammasi kutilgandan ziyoda. Oyoqlar ostiga toʻshalgan choʻgʻday gilamlarda yurish, yumshoq oʻrinlarda yotish naqadar huzurli!
Ishonsangiz, 5 kun ichida menda kasallikdan asar ham qolmadi. Eng muhimi, kamida bir million soʻm pul toʻlab, nufuzli sihatgohda olishim mumkin boʻlgan muolajani men ona shahrimda, TTBning xoʻja-lik hisobidagi reabilitatsiya mar-kazida oldim. Tagʻin juda arzon, eng quvonarlisi, bolalarim har kuni xabar olib turishdi.
Beixtiyor Oʻzbekiston Respublikasi Konstitutsiyasining 40-moddasini esladim: "Har bir inson malakali tibbiy xizmatdan foydalanish huquqiga ega”.
- Ana shunday qonun asoslari bilan xalqimizning salomatligini muhofaza qilayotgan, malakali tibbiy xizmat sharoitlarini yaratib qoʻygan davlatimizdan aylanay, - deyman shukronalar bilan.
Gulora hoji Polvonova,
Mangʻit shahri, "Doʻstlik” mahallasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
