XIZMATIMIZDAN AHOLI MAMNUN
Tuman Tibbiyot birlashmasining xoʻjalik hisobidagi reabilitatsiya boʻlimi 2014-yilda tashkil qilingan. Biryoʻla 36 nafar bemorga tibbiy xizmat koʻrsatishga moʻljallangan boʻlim xonalari barcha sharoitlarga ega. Bemorlarga davolanish jarayonida uch mahal issiq parhez ovqat beriladi.
Davolash jarayonida binoning birinchi qavatida joylashgan fizioterapiya boʻlimida har bir bemorga mos ravishda turli xil fizioterapevtik muolajalar oʻtkaziladi.
Boʻlimda 19 nafar tibbiyot xodimi aholiga xizmat koʻrsatib kelmoqda. Katta hamshira N.Abdrimova, hamshiralar G.Kamolova, Sh.Eshchanova, B.Madrahimova, Sh.Shomurodova, M.Turkmanboyeva, F.Oʻrozimbetovalar bemorlar davolanishi jarayonida muolajalarning oʻz vaqtida bajarilishi, xonalar ozoda va issiq boʻlishi, boʻlim sanitariya normalariga mos kelishini taʼminlab, ahillikda ish olib borishmoqda.
Boʻlimda yil boshidan beri 1033 nafar bemor davolanib, sogʻligini tikladi. Ular orasida qoʻshni Qozogʻiston Respublikasi, Turkmaniston Respublikasi, Xorazm viloyati, Beruniy tumani, Ellikqalʼa tumani, Nukus shahridan ham davolanishga kelib, dardlariga shifo topib, bizning tibbiy xizmatimizdan mamnun boʻlib ketgan bemorlar ham bor.
Kelgusida ham bemorlarga sifatli tibbiy yordam koʻrsatish maqsadida yangi- yangi davo usullarini joriy qilib, davolashning samaradorligini oshirish maqsadida boʻlim shifokorlari va oʻrta tibbiyot xodimlari doimo oʻz malakalarini oshirib boradilar.
Bugungi bayram munosabati bilan jamoamiz nomidan yurtimizning barcha tibbiyot xodimlarini qizgʻin tabriklaymiz. Mehnatkash va mehmondoʻst xalqimizning salomatligini muhofaza qilish yoʻlida olib borayotgan zahmatli ishlarida katta zafarlar tilaymiz.
Faxriddin IBODULLAYeV,
Tibbiyot birlashmasi xoʻjalik hisobidagi
reabilitatsiya boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
