Tosh yopliklar tumanda birinchi boʻlib marraga yetishdi

“Bizning “Toshyop” muqobil mashina-traktor parkimiz 10 ta paxtachilikka ixtisoslashgan fermer xoʻjaliklariga, 2 ta chorvachilik bilan shugʻullanuvchi agrofirmaga, 2 ta baliqchilik bilan shugʻullanuvchi masʼuliyati cheklangan jamiyatiga xizmat koʻrsatadi.

Paxta – mehrtalab, parvarishtalab oʻsimlik. Har bir agrotexnik tadbirni oʻz vaqtida sifatli oʻtkazganimiz va yil-oʻn ikki oy fermer xoʻjaliklari aʼzolarining fidoyi mehnatlari tufayli kuzgi sarhisobda yuzimiz yorugʻ boʻldi. “Roza Jumamurodovna”, “Bekmon Allaberganov”, “Barno-Nasiba”, “Polvonniyozbek”, “Ozodov Musabek”, “Sirojbek-Odilbek” kabi fermer xoʻjaliklarimiz yillik paxta topshirish rejasini sentyabr oyidayoq uddalab qoʻyishdi.

Shu kungacha jami 276 gektar paxta maydonidan 670 tonnadan ziyod hosil yigʻishtirib olindi va tumanda birinchilardan boʻlib rejani uddalashga erishdik. Ayni paytda bu koʻrsatkichni 700 tonnaga yetkazishga harakat qilmoqdamiz.

Jumaboy Asqarov, Toshyop MMTP raisi.

Suratda: ilgʻor terimchilarga sovgʻalar topshirilmoqda.