DEHQONChILIK DAROMADLI SOHAGA AYLANMOQDA

Uzoq yillar paxtachilik brigadasini boshqargan otamdan oʻrgangan tajribalarimga tayanib, men ham fermer boʻldim. Xoʻjalikni yuritish uchun hisob-kitobni puxta yuritish, sohaga joriy etilayotgan yangilik larni oʻrganish, islohotlar talabi darajasida ishlash lozim ekan.

Astoydil intilgan dehqonning mehnati yerda qolmaydi. Xoʻjaligimizning 40 gektar paxta maydonida yuqori hosil yetishtirishga erishdik va rejadagi 83 tonna paxta yigʻib-terib topshirib, 1-oktyabr kunigacha umumiy hosilimizni 90 tonnaga yetkazdik. Biroq terim davom etayapti, dalalarimizda hosil esa hali moʻl.

Terimchilarni dala boshida har kuni issiq ovqat, choy bilan taʼminlab, terilgan paxta puli oʻz vaqtida hisob-kitob qilinayotgani yillik rejani barvaqt ado etishimizga asos boʻldi.

Ha, dehqonning mehnati qadrlansa, sharoit yaratilsa, natijasi ham quvonarli boʻlar ekan.

Xoʻjaligimizda paxtadan tashqari 4 gektar kartoshka, 4 gektar bugʻdoydan ham yuqori hosil oldik. Bugʻdoydan boʻshagan yerlarga ekilgan sabzi, mosh, kuzgi kartoshka kabi takroriy ekinlarimiz rivoji ham yaxshi.

Fidoyi mehnatlarimiz tufayli xoʻjaligimizning ham, ijarachilarimizning ham joriy yilgi dehqonchilikdan daromadi yuqori boʻldi.

Ha, endilikda dehqonchilik ham daromadli sohaga aylanmoqda.

Kuzgi sarhisobda yuzlari yorugʻ boʻlgan tumanimiz paxtakorlarini butun xalqini yuksak “oq oltin” xirmoni bunyod etilib, yillik shartnomaviy reja ado etilganligi bilan qizgʻin tabriklayman, mashaqqatli mehnatlarining barakasini tilayman.

Ismoil TAJIMUROTOV, “Tajimurotov Ismoil”

fermer xoʻjaligi raisi.