XALQARO TURNIR GʻOLIBLARI

Yaqinda sportning WKF turi boʻyicha Samarqand shahrida ochiq xalqaro turnir boʻlib oʻtdi. Ushbu musobaqada tuman Bolalar va oʻsmirlar sport klubidan Adham Ibrohimov oʻzining 2 nafar shogirdi bilan ishtirok etib kelishdi.

Oʻzbekiston, Tojikiston, Qozogʻiston, Turkmaniston hamda AQShdan kelgan kuchli sportchilar qatorida tatamega chiqqan tumanimiz yoe karatechilari yuqori natijalarga erishdilar. Xususan, 12-13 yoshli oʻsmirlar oʻrtasidagi musobaqalarda 40 kilogramm vazn toifasida Otabek Otajonov shohsupaning eng yuqori pogʻonasini egalladi. 15-17 yoshlilar oʻrtasidagi 55 kilogramm vazn toifasida Joʻrabek Otajonov 3-oʻrin sohibi boʻldi. Kattalar oʻrtasidagi bahslarda esa Adham Ibrohimov ham 3-oʻrinni egalladi.

Shunday qilib, mazkur xalqaro turnirda tumanimiz karate ustalari 1 ta oltin, 2 ta bronza medaliga ega boʻlishdi.

R.YOʻLDOShEVA.