NOQONUNIY FAOLIYaTI UChUN

Oʻzbekiston Respublikasi Vazirlar Mahkamasining 2002-yil 28-noyabr kungi 415-sonli «Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish Departamenti faoliyatini takomillashtirish chora-tadbirlari toʻgʻrisida»gi Qarori, Oʻzbekiston Respublikasi Vazirlar Mahkamasining 2001-yil 6 iyuldagi 291-sonli qarori bilan ilgari tasdiqlangan funktsiyalariga qoʻshimcha ravishda Departamentga va uning hududiy boʻlinmalariga valyutaga oid jinoyatlarga qarshi kurashishni kuchaytirish vazifalari yuklangan.

Ushbu yoʻnalish boʻyicha Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy daromadlarni legallashtirishga qarshi kurashish Departamenti Qoraqalpogʻiston Respublikasi Amudaryo tumani boʻlimi tomonidan 2013-yil boshidan shu kungacha olib borilgan tadbirlar natijasida jami 3 holatda huquqbuzarlik aniqlanib, 1 holatda jinoyat ishi qoʻzgʻatildi va ikki holatda maʼmuriy huquqbuzarlik aniqlandi, jami boʻlib huquqbuzarlardan 2899 AQSh dollari, 4250 Rossiya rubli, 12500 Qozogʻiston tengesi va 4 million 814 ming 400 Oʻzbekiston soʻmi ashyoviy dalil sifatida olindi.

Jumladan, 2013 yil 4-aprel kuni Oʻzbekiston Respublikasi Bosh prokuraturasi huzuridagi SVOJJDLQK Departamenti Qoraqalpogʻiston Respublikasi Amudaryo tuman boʻlimi tomonidan oʻtkazilgan tadbir davomida fuqaro M.R. turmush oʻrtogʻi Oʻ.M. bilan birgalikda oʻzaro oldindan jinoiy til biriktirib, chet el valyutalarini olib sotish bilan hamda tuman hududida yashovchi fuqarolarning plastik kartochkadagi pullarini naqdlashtirish bilan shugʻullanib yurgan vaqtida ushlangan. Fuqarolar M.R. va turmush oʻrtogʻi Oʻ.M.lardan 1828 AQSh dollari, 5500 Qozogʻiston tengesi, 3000 Rossiya rubli, 3.635.000 (uch million olti yuz oʻttiz besh ming) soʻm, 136 dona plastik kartochkalar vaqtincha ashyoviy dalil sifatida olingan.

Shunday qilib, fuqaro M.R. va turmush oʻrtogʻi Oʻ.M. qonunga xilof ravishda chet el valyutalarini noqonuniy muomalaga kiritib yurganligi uchun OʻzR JKning tegishli moddalari bilan jinoiy javobgarlikka tortildi.

X.USMONOV,