FUQAROLARNING MUROJAATLARI MAQOMINING OʻZGARIShINI SMS-XABARNOMA ORQALI XABARDOR QILISh
Yagona interaktiv davlat xizmatlari portali (Yagona portal) ishga tushganiga yaqinda toʻrt oy boʻladi. Oʻtgan vaqt mobaynida Yagona portal yaratuvchilari foydalanuvchilarga yangi xizmatlar va imkoniyatlarni taqdim etmoqdalar. Misol uchun, murojaatlar boʻyicha davlat organidan olingan javobni baholash va javobga izoh qoldirish, murojaatni davlat organiga yuborishdan avval bekor qilish, murojaatni elektron raqamli imzodan foydalangan holda yuborish, ish haqi va mehnat staji toʻgʻrisidagi maʼlumotnomani elektron ravishda olish va boshqalar shular jumlasidandir.
Hozirgi kunda Yagona portaldagi eng talabgir xizmatlardan biri, bu – fuqarolarning davlat organlariga murojaatlarni yuborish xizmati hisoblanadi. Yagona portaldan olingan statistik maʼlumotlarga koʻra bugungi kunda Yagona portal orqali fuqarolar tomonidan davlat organlariga yuborilgan murojaatlar soni 2 mingtaga yetib qoldi. Ularning 64 foizi koʻrib chiqilgan boʻlsa, 36 foizi esa koʻrib chiqish jarayonida.
Bugungi kunda respublikamizda mobil aloqaning shiddat bilan rivojlanayotganligini hisobga olgan holda mobil aloqa mijozlariga yangi xizmatlarni taqdim etish dolzarb vazifa hisoblanadi. Shu bois, Yagona portal yaratuvchilari fuqarolarga yana bir qulaylik yaratish maqsadida davlat organlariga murojaatlarni yuborishda murojaatning yuborilganligi, uni qayta ishlashga qabul qilinganligi yoki rad etilganligi va murojaatga javob berilganda (yopilganda) arizachiga uning mobil telefoniga SMS-xabarnomani yuborish xizmatini ishlab chiqdilar va joriy etdilar.
Davlat organiga Yagona portal orqali murojaat yuborilganda, foydalanuvchi ID-raqami va murojaat yuborilgan vaqt koʻrsatilgan quyidagi mazmundagi SMS-xabarnomani oladi: "Sizning murojaatingiz davlat organiga yuborildi”. Davlat organ tomonidan fuqaroning murojaati koʻrib chiqish uchun qabul qilinganda, esa fuqaro "Sizning murojaatingiz koʻrib chiqish uchun qabul qilindi” mazmundagi SMS-xabarnomasini oladi. Davlat organi tomonidan murojaat bilan ishlash jarayoni yakunlanganda, yaʼni murojaat yopilganda, fuqaro ishning natijasini aks ettiruvchi quyidagi mazmundagi SMS-xabarnomasini oladi: «Sizning murojaatingizga javob berildi». Murojaat davlat organi tomonidan u yoki bu sabablarga asosan rad etilganda esa foydalanuvchi «Sizning murojaatingiz rad etildi» mazmunida xabarnoma oladi.
Barcha SMS-xabarnomalar murojaatning roʻyxatga olingan ID - raqami va SMS-xabarnomasi yuborilgan vaqt koʻrsatilgan holda fuqaroning Yagona portaldagi murojaatiga havola bilan birga yuboriladi.
Ushbu xizmat foydalanuvchilarga Yagona
portalga kirmasdan turib oʻz murojaatlarining maqomidan doimo xabardor boʻlib
turish va davlat organlari bilan tezkor va samarali oʻzaro aloqadorlikni oʻrnatish
imkonini beradi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
