YoSh BOKSChILAR OChIQ BIRINChILIK GʻOLIBI BOʻLDILAR

Tumandagi Bolalar-oʻsmirlar sport maktabida sportning boks turi boʻyicha 11-14 yoshdagi oʻsmirlar oʻrtasida Ochiq Birinchilik musobaqalari oʻtkazildi.

Mazkur musobaqada Qoraqalpogʻiston Respublikasi hududidagi 8 ta tuman va Xorazm viloyatidan tashrif buyurgan yosh sportchilar ishtirok etdilar. Musobaqa juda qizgʻin tarzda boʻlib oʻtdi.

Unda sport maktabining boks boʻyicha murabbiylari Jasur Nurimbetov va Obid Usmonovlarning shogirdlari ham ishtirok etib, epchil bokschilaridan Jonibek Gʻafforov 38 kg. vazn toifasi boʻyicha, Bunyod Ilhomov 40 kg. da, Bunyod Ismoilov 42 kg. da, Baxt Soburov 42 kg. da, Diyorbek Anvarov 44 kg. da, Berk Sarsenboyev 48 kg. da, Jonibek Tursunboyev 52 kg. vazn toifasi boʻyicha 1-oʻrinni egallab chempionat gʻolibi boʻldilar. Yosh sportchilar Shohruh Soliyev 34 kg vazn toifasida 2-oʻrin, Sherzod Xudoyberganov esa 38 kg. vazn toifasi boʻyicha 3-oʻrinni egalladilar. Umumjamoa hisobida ham tuman sport maktabi boks jamoasi faxrli 1-oʻrinni qoʻlga kiritdilar.

Tuman Bolalar-oʻsmirlar sport maktabida sportning boks turi boʻyicha oʻsmirlar oʻrtasida boʻlib oʻtgan Ochiq Birinchilik musobaqalarida faxrli oʻrinlarga ega boʻlgan gʻolib bokschilar musobaqaga homiylik qilgan “Amudaryotex” masʼuliyati cheklangan jamiyati tomonidan medal va diplomlar, qimmatbaho sovgʻalar bilan taqdirlandilar.

Musobaqa barcha ishtirokchilarda katta taassurotlar qoldirdi.

Hamida Rajabova, Sport maktabining

stol tennisi boʻyicha katta murabbiysi.