Amudaryodagi kichik sanoat zonasi: 23 nafar tadbirkor jami 10,2 mlrd. soʻm investitsiya kiritib, 166 ta yangi ish oʻrinlarini yaratmoqchi
Tumanda Prezidentimizning «Qoraqalpogʻiston Respublikasida kichik sanoat zonalarini tashkil etish chora-tadbirlari toʻgʻrisida»gi qarori asosida kichik sanoat zonasi tashkil etildi. “Amudaryo paxta tozalash zavodi” aktsiyadorlik jamiyati eski binosi negizida 14,3 gektar yer maydonida joylashgan bino va inshootlar hamda qolgan 13 566,4 kv. metr yer maydonida ishlab chiqarishni yoʻlga qoʻyish uchun tadbirkorlar oʻrtasida tender savdolari oʻtkazildi.
Tender savdolarida ishtirok etgan 23 nafar tadbirkor qiymati 10 mlrd. 151 mln. soʻmlik investitsiyalar kiritib, 166 ta yangi ish oʻrni yaratishga moʻljallanagn loyihalarni amalga oshirish tashabbusini zimmalariga olishdi.
Aytish joizki, kichik sanoat zonalarida mazkur loyihalar orqali yillik 2 mlrd. 332 mln. 150 tonna meva-sabzavot quritish, 2 mlrd. 500 mln. soʻmlik 74 tonna meva-sabzavotdan djem ishlab chiqarish, 572 mln. soʻmlik 1300 tonna qizilmiya ildizini qayta ishlash, 631 mln. soʻmlik - sutdan 48 tonna quyiltirilgan sut, tvorog, smetana mahsulotlari tayyorlash koʻzda tutilmoqda. Shuningdek, 1 mlrd. soʻmga 194 tonna motor moyini qayta ishlash, 1488 mln. soʻmga 36 ming dona tayyor tikuv mahsulotlari, qurilish materiallari ishlab chiqarish boʻyicha 4 mlrd. 251 mln. soʻmlik 24 ming dona eshik, deraza, mebel tayyorlash, 1 mlrd. soʻmga 100 tonna mix hamda 33 ming metr sim toʻr, 1 mlrd. 476 mln. soʻmga 97 ming dona temirbeton mahsulotlari ishlab chiqarish quvvatiga ega yangi yoʻnalishlar tashkil qilinmoqda.
Istiqbolli bu loyihalarning amalga oshirilishi tuman iqtisodini yuksaltiribgina qolmasdan, aholi ehtiyojini ham taʼminlashi shubhasizdir.
O.XUDOYBERGANOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
