HECh KIM OʻZ-OʻZIDAN GIYoHVAND BOʻLIB QOLMAYDI
Ota-ona uchun farzandining giyohvand boʻlib qolganini bilib qolishi juda ogʻir musibatdir!
Shunda ota-ona oʻz bolasining bu yoʻldan chiqib ketishi uchun judayam koʻp saʼy harakatlar qilishga urinadi. Bu harakatlar har doim ham naf berarmikan? Chunki giyohvandlik yoʻliga kirib qolgan insonlar – bemor hisoblanadi.
Kasal boʻlgandan koʻra uning oldini olgan maʼqul. Giyohvandlikning oldini olishda eng avvalo farzand tarbiyasi katta ahamiyatga egadir.
Bola tugʻilishi bilan uni darhol oʻz onasining bagʻriga qoʻyilishi bejiz emas. Shu paytdan bola bilan ona orasidagi mehr tuygʻulari shakllanishni boshlaydi. Bolaga chaqaloqlik davridan boshlab katta odam bilan gaplashgandek murojaat qilish kerak.
Bolalar tarbiyasida ular bilan suhbatlashish, hamma savollariga javob berish, ruhan quvvatlab turish kerak. Koʻpincha ishdan kelgan ota-onalar, bola bilan muloqot qilishni xohlamaydi. Bola esa kuni bilan ota-onasini kutib, boʻlgan voqealarni gapirib bergisi hamda ruhan quvvatlanishni xohlaydi. Agar ota-onalar bolaga vaqt ajratmasalar, unda bola koʻchadagi odamlardan ruhiy tayanch qidiradi.
Ana shu paytda giyohvandlarning qoʻliga tushib qolmasligiga kim kafolat beradi? Oʻz bolasiga vaqt ajratmagan ota-onalar, agar bola giyohvandlik yoʻliga kirib qolsa, butun vaqtini umrining oxirigacha shu bolaga ajratadi, lekin unda kech boʻladi.
Oʻsmirlik davrida bolalar katta eʼtibor talab qiladi. Ota-onaning mehriga, suhbatiga, maslahatlariga muhtoj boʻladi. Oʻz farzandini kamsitmasdan, u bilan doʻstlashib, muammolari yechilishiga koʻmakdosh boʻlishi talab etiladi.
Bolaning hech qachon boʻsh vaqti boʻlmasin, har bir daqiqaning qadrliligini uning ongiga singdirib borish kerak. Farzand mehnatkash boʻlishi uchun uni har-xil yumushlar bilan band qilish va albatta, sport mashgʻulotlariga jalb qilish kerak. Shunda undan omadli, sogʻlom fikrlaydigan, yetuk inson shakllanadi.
Farzand tarbiyasida meʼyor degan fikr ham shakllanib borishi kerak. Yaʼni, farzandining har bir istagini darhol bajarish ham, judayam erkalatib yuborish ham notoʻgʻridir. Giyohvandlik bilan shugʻullanuvchi insonlar, ayniqsa, shunaqa erkatoy farzandlarning ketidan «ov»ga tushishadi. Qarmoqqa tushgan bola esa xonadonining barakasini uchiradi.
Farzand tarbiyasida ota-bobolarining yutuqlari haqida gapirib berish, davomchi sifatida oʻrnak boʻlishi kerakligini ongiga singdirish ham katta ahamiyatga egadir. Hech kim oʻz-oʻzidan giyohvandga aylanib qolmaydi.
Inson baxtli boʻlishi uchun eng avvalo, bilimga intilishi, mehnatkash boʻlishi, harakat qilishi hamda oʻz orzulariga yetishishiga ishonishi kerak!
Oʻzi sevgan ishida ishlashi, oʻzi xohlagan oilasini yaratishi kerak.
Baxt - bu baxtsizlikni yengishdir!
Jumaboy YaVQAShEV,
tuman koʻp tarmoqli markaziy poliklinikasining
Salomatlik boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
