Jayhun.uz veb-saytining taqdimoti boʻlib oʻtdi
Yaqinda Jayxun ilhomlari nodavlat notijorat tashkilotida tashkilotning Oʻzbekiston Pespublikasi Oliy Majlisi huzuridagi nodavlat va notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan “Oʻzbekiston – maftunkor diyor” nomli loyihasi doirasida yaratilgan jayhun.uz veb-saytining taqdimot marosimi boʻlib oʻtdi Unda nodavlat notijorat tashkilotning boshqaruv aʼzolari, tashkilot aʼzolari hamda tumanimizdagi bir guruh ijodkorlar ishtirok etdi.
Veb-saytni yaratishdan maqsad mamlakatimizda mustaqillik yillarida jamiyat hayotining turli sohalarida amalga oshrilayotgan islohotlarning samaralarini keng yoritish va xalqaro jamoatchilik eʼtiboriga yetkazish hisoblanadi. “Oʻzbekiston - maftunkor diyor” nomli loyihaning maqsadi esa Oʻzbekistonda yashab kelayotgan turli millat va elatlarning azaliy milliy anʼanalari, urf-odatlari va udumlarini saqlash va rivojlantirish boʻyicha amalga oshirilayotgan izchil chora-tadbirlarni keng yoritish hamda mamlakatimizning goʻzal tabiati, tarixiy qadamjolari va xalqimizning bugungi kuni haqida xalqaro jamoatchilik eʼtiboriga yanada koʻproq maʼlumot yetkazishdan iborat.
Veb-saytning "NNT haqida" deb nomlangan boʻlimida tashkilot tarixi va bugungi kundagi faoliyati haqida maʼlumot berilgan. "Tuman haqida" nomli boʻlimida esa Amudaryo tumanining tarixi va bugungi kunda tumanda davlat va jamiyat, iqtisodiyot va ijtimoiy va maʼnaviy-maʼrifiy sohalarda erishayotgan yutuqlar haqida qisqacha maʼlumot berilgan.
Ijod boʻstoni boʻlimi "Nazm", "Nasr", "Ijod olami yangiliklari" hamda "Maqolalar" nomli kichik boʻlimlardan iborat. Bu yerda tuman ijodkorlarining sheʼrlari, hikoyalari, “Taraqqiyot koʻzgusi” hamda “Mening oilam” gazetalarida, markaziy nashrlarda chop qilingan maqalalar shuningdek ijod olami yangiliklari yoritib boriladi.
"Mediateka" boʻlimidan esa foto- va video lavhalar oʻrin olgan.
Veb saytning "Loyihalar" deb nomlangan boʻlimida tashkilot tomonidan 2015, 2016 va 2017-yillar davomida davlat granti asosida amalga oshirilgan loyihalar haqida maʼlumotlar oʻrin olgan.
Jayhun.uz veb-saytining taqdimot marosimida soʻzga chiqqanlar ushbu veb-sayt tumanimiz ijodkorlarining yanada barakali ijod sari undashiga bir turtki boʻlishini alohida taʼkidlab oʻtdilar. Qolaversa, unda eʼlon qilingan Ona Vatanimizni, goʻzal diyorimizni tarannum qiluvchi ijod namunalari yoshlarni vatanparvarlik ruhida tarbiyalashga xizmat qilishi taʼkidlandi.
Gʻ.YeShNIYoZOV
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
