Akademik litseyda Bobur tavallud kuni nishonlandi

Ulugʻ shoir, tarixchi, olim va davlat arbobi Zahiriddin Muhammad Bobur tavalludining 535-yilligi tumanimizdagi oʻquv muassasalarida keng nishonlandi.

14-fevral kuni Amudaryo akademik litseyida ulugʻ bobokalonimiz, jahon adabiyotiga ulkan hissa qoʻshgan Zahiriddin Muhammad Bobur tavalludiga bagʻishlangan kecha oʻtkazildi. Kechada litsey oʻquvchilari tomonidan tayyorlangan badiiy-musiqiy dastur namoyish etildi.

Oʻquvchilar astoydil tayyorlagan qoʻshiq va raqslarini, Bobur hayoti haqidagi sahna koʻrinishlarini, gʻazal va ruboiylarni ijro etib, tomoshabinlar eʼtiboriga havola qildilar.

Amudaryo akademik litseyida Bobur tavalludiga bagʻishlab oʻtkazilgan kecha tomoshabinlarga nihoyatda manzur boʻldi.

Oybek Begimov,

Tuman Madaniyat boʻlimi xodimi.