Keksayishga qarshi kurashishning yangi usuli topildi
Portugaliyalik olimlar tomonidan keksayishga qarshi kurashishning yangi usuli topildi. U xujayralarda xromosomalarning meʼyoridan oshib ketishining oldini olishga qaratilgan. Tadqiqot haqidagi dastlabki maʼlumotlar “BioRxiv.org” manbasida berildi.
Yosh oʻtgani sayin aneuploidiya (xromosoma miqdori oʻzgarishi) holatiga duchor boʻladigan xujayralar soni koʻpayib boradi. Bu inson organizmi qarishi hodisasi bilan bogʻliq. Yaʼni mitoz (xromosomalar ikkita yangi yadro oʻrtasida qatʼiy bir xil boʻlinishi jarayoni) yordamida tanadagi xujayralarning boʻlinishiga javobgar boʻlgan genlar faolligida oʻzgarish kuzatiladi.
Sichqonlarda oʻtkazilgan tajribalardan maʼlum boʻldiki, mitozni taʼminlab beruvchi mexanizmning buzilishi progeriya (Xatchinson-Gilford alomatlari), yaʼni muddatidan oldin qarish bilan kechadigan genetik kasalligini rivojlantirib yuboradi.
Olimlar yevropoid irqidagi erkak jinsiga mansub odamlar xujayralaridan keksayish markerlari (belgilari)ni tahlil qildi. Ayon boʻldiki, keksayish DNKga bogʻlangan va xujayralar boʻlinishini nazorat qiluvchi G2-M genlari faolligini tartibga soladigan oqsil (FoxM1)ning transkriptsion omili pasayib ketishidan kelib chiqar ekan.
Tadqiqotchilar keksalar va progeriya bilan ogʻrigan bemorlar xujayralarida ana shunday oqsillar sonini koʻpaytirib, aneuploidiyani bartaraf etishga muvaffaq boʻldi. Bundan tashqari, keksayish belgilari ham kamaygani kuzatilgan. Mutaxassislarning aytishicha, mazkur izlanish natijalari qarishga karshi kurashishning terapevtik metodlarini ishlab chiqishda qoʻl keladi.
Manba: xs.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
