TUMANIMIZ SPORTIDA YaNGI BOSQICh
Mamlakatimiz sport sohasida olib borilayotgan izchil islohotlar, bu borada qabul qilinayotgan Farmon va Qarorlar, ayniqsa, Prezidentimiz Sh.M.Mirziyoyevning 2017-yil 15-fevraldagi "Madaniyat va sport sohasida boshqaruv tizimini yanada takomillashtirish chora-tadbirlari toʻgʻrisida”gi Farmon ushbu sohada yangi, taraqqiyot davrini boshlab berdi.
Ushbu Farmonga muvofiq Oʻzbekiston Respublikasi Jismoniy tarbiya va sport davlat qoʻmitasi tashkil etilib, mamlakatimiz Xalq taʼlimi vazirligi tuzilmasidagi Oʻzbekiston Bolalar sportini rivojlantirish jamgʻarmasi ijro apparati, barcha BOʻSMlar, sport yoʻnalishidagi maktab-internatlari xodimlarini qayta tayyorlash va malakasini oshirish markazining qoʻmita tarkibiga berilishi koʻpdan-koʻp muvaffaqiyatlar sari yoʻl ochdi. Buni bizning tumanimiz sporti sohasida erishilayotgan yutuqlarda ham yaqqol koʻrishimiz mumkin.
Mustaqillik yillarida tumanimizda sport bilan shugʻullanuvchi barcha yoshdagi aholi, ayniqsa, yoshlar, bolalar va oʻsmirlar uchun zarur shart-sharoitlar yaratildi. 2004-yilda Oʻrta qalʼa ovuli hududida barcha qulayliklarga ega sport majmuasi barpo etildi. 2013-yilda 2-sonli BOʻSM, 2016 yilda 1-sonli BOʻSM binolari kapital rekonstruktsiyadan chiqarildi. XTMFMTTEB tasarrufidagi barcha umumtaʼlim maktablarida zamonaviy sport zallari va sport maydonchalari talablar darajasida jihozlandi. Ayni paytda bu sport majmualarida 47 nafar tajribali murabbiylar rahbarligida 1634 nafar turli yoshdagi bolalar va oʻsmirlar sportning 16 turi bilan muntazam shugʻullanishmoqda. Ularning 333 nafari qiz bolalardir.
Mamlakatimizda sportni rivojlantirishga oid Prezident Farmonlari va Qarorlari, xususan, 2017-yil 15-fevraldagi "Madaniyat va sport sohasida boshqaruv tizimini yanada takomillashtirish chora-tadbirlari toʻgʻrisida”gi Prezident Farmoni va unga qoʻshimcha ravishda qabul qilingan "Oʻzbekiston Respublikasi Jismoniy tarbiya va sport davlat qoʻmitasi faoliyatini tashkil etish toʻgʻrisida”gi 2779-sonli Prezident Qaroriga binoan tizimdagi mutaxassislar malakasini oshirish, jismoniy tarbiya va ommaviy sportni rivojlantirish borasidagi ishlar yanada jadallashdi, tumanimiz sporti sohasi yangi bosqichga koʻtarildi. Bolalarning sport bilan shugʻullanishlari uchun sharoit yaratish, bu ishlarni qishloq joylarida yanada takomillashtirish, ularni yuksak vatanparvarlik ruhida tarbiyalash, nufuzli xalqaro musobaqalardagi ishtirokini taʼminlash – sport qoʻmitamizning asosiy vazifasiga aylandi.
Xulosa qilib aytganda, "Oʻzbekiston Respublikasi jismoniy tarbiya va sport davlat qoʻmitasi faoliyatini tashkil etish toʻgʻrisida”gi Prezident Qarori yangidan tashkil etilgan qoʻmita va uning hududiy boʻlimlari faoliyatida ijobiy oʻzgarishlar yasash imkonini berdiki, bu sportchilarimiz erishayotgan yutuqlarda oʻz ifodasini topmoqda.
Jasur YaXShIMOV,
tuman Jismoniy tarbiya va sport qoʻmitasi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
