Mahalla hayoti: YaNGI TIZIM AFZALLIKLARI KOʻP
Joriy yilning aprelidan boshlab butun mamlakatimizda boʻlgani kabi tumanimizdagi mavjud mahalla va ovul fuqarolar yigʻinlari faoliyatiga mahallalarda aniqlangan muammo va kamchiliklarni bartaraf etish hamda aholi tomonidan bildirilgan takliflarni amalga oshirish boʻyicha tizimli ish tashkil etishning yangicha uslubi joriy etilgan edi.
Bizning mahallamizda ham yangi tizim talabiga koʻra fuqarolarga xizmat koʻrsatuvchi tashkilotlar vakillari va faollardan iborat ishchi guruh tuzilib, faoliyatini boshlab yubordi. Har oy yakunida fuqarolardan tushgan shikoyatlar, takliflarning hal etilishi yuzasidan tuman ishchi guruhiga hisobotlar taqdim etib borilayapti. Shuningdek tuman ishchi guruhiga havola etilayapti.
Mahallamizda yangi tizimni joriy etish boʻyicha tuzilgan ishchi guruh mahallani oʻrganishi davomida aniqlangan muammo va kamchiliklarni bartaraf etish, aholi tomonidan bildirilgan takliflarni amalga oshirish yuzasidan chora-tadbirlar dasturi ishlab chiqib, shu asosda oʻz faoliyatini olib borayapti va muammolarni oʻz vaqtida hal etishga harakat qilayapti. Masalan, ishchi guruh aʼzolari oʻrganish davomida ishga yaroqli ishsiz fuqarolarni aniqladi va qoramol yoki parranda boqish istagida boʻlganlarning roʻyxatini tuzib, kredit olishiga koʻmaklashish maqsadida "Agrobank” tuman boʻlimi mutaxassislari bilan uchrashuvini tashkil etdi. Uchrashuvdagi jonli muloqot koʻp narsalarga oydinlik kiritdi, shu asosda bir nechta oila qoramol va parranda boqish harakatini boshlab yubordi.
Mahallamizning Islomobod koʻchasi, raqamsiz uyida istiqomat qiluvchi A.Rajabov koʻp yillardan beri kasalmand, beva, oʻgʻli hali kollej oʻquvchisi. Shularni inobatga olib, A.Rajabovning davolanishini davom ettirishiga koʻmaklashildi, tomorqasiga ishlov berishga yordam berildi.
Odatda uyimizdan ostona hatlab koʻchaga chiqsak, qoʻshnimizga duch kelamiz. Quvonchimizga ham, tashvishimizga ham sherik boʻladigan eng avvalo qoʻshnimizdir. Shunday ekan, qoʻni-qoʻshnilarimizning, mahallamizning tinch-xotirjamligi bizning ham tinch-xotirjamligimizdir. Shu maʼnoda mahallalardagi osoyishta hayotni taʼminlashga qaratilgan, oʻrganish davomida aniqlangan shikoyatlar, muammo va kamchiliklarni bartaraf qilish yuzasidan tizimli ish tashkil etish boʻyicha joriy etilgan yangi uslubning ahamiyati juda ulkandir. Axir bekorga otang mahalla, onang mahalla deyishmaydi-da.
G.OʻROZBOYeVA,
"Olmazor” mahalla fuqarolar yigʻini diniy maʼrifat va maʼnaviy-axloqiy tarbiya masalalari boʻyicha maslahatchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
