ODAM SAVDOSIDAN EHTIYoT BOʻLAYLIK
Bugungi kunda odam savdosining oldini olish va unga qarshi kurashish borasida yurtimizda ham qator huquqiy islohotlar amalga oshirilmoqda.
Mamlakatimiz 2003-yil 12-dekabrda BMT Bosh Assambleyasi tomonidan 1950-yilda qabul qilingan "Odam savdosi va fohishalikning uchinchi shaxslar tomonidan ishlatilishiga qarshi kurash toʻgʻrisida”gi Konventsiyaga qoʻshildi. Shuningdek mamlakatimiz parlamenti tomonidan BMT bosh Assambleyasining 2000-yil 15-noyabrda qabul qilingan "Transmilliy uyushgan jinoyatchilikka qarshi kurash toʻgʻrisida”gi Konventsiyasi hamda "Odam savdosi, ayniqsa, ayollar va bolalarni sotishning oldini olish, unga chek qoʻyish va buning uchun jazolash toʻgʻrisida”gi qoʻshimcha hujjatlar imzolandi.
"Odam savdosiga qarshi kurashish toʻgʻrisida”gi Oʻzbekiston Respublikasi qonuni hamda "Odam savdosiga qarshi kurashish samaradorligini oshirish chora-tadbirlari toʻgʻrisida”gi Oʻzbekiston Respublikasi Prezidentining qarori bilan yuqoridagi qonun normalari amalga yanada samarali tatbiq etilmoqda.
Misol tariqasida aytadigan boʻlsak, xorazmlik S.Xaliqov dastlabki tergov davomida shaxsini aniqlash imkoni boʻlmagan Rossiya Federatsiyasi fuqarosi bilan oldindan til biriktirib, tumanimizning "Toshqalʼa” mahallasida yashovchi 13 nafar fuqaroga "Moskva shahrida qurilish ishlari bor, ustalar va yordamchilarning har biriga 1000 AQSh dollari miqdorida ish haqi beramiz” deb aldash yoʻli bilan ularning mehnatidan foydalanish uchun yollashgan. Ularni Moskva shahriga olib borib, fuqarolik pasportlarini olib qoʻyib, har birini 15 ming Rossiya rubliga, shaxsi nomaʼlum kimsalarga sotib yuborgan.
Tumanimizda bunday illatning oldini olish, odam savdosi qurboni boʻlish xavfi ostida qolishi mumkin boʻlgan fuqarolar bilan ishlashish maqsadida oʻtgan yillar davomida xorijiy davlatlarga borib kelgan 1185 nafar fuqarolar tibbiy koʻrikdan oʻtkazilib, kasallik aniqlangan fuqarolarga ambulator, statsionar sharoitda tibbiy va psixologik yordam koʻrsatildi.
Xulosa tarzida shuni taʼkidlash joizki, bugungi murakkab mafkuraviy jarayonlarni ilmiy, amaliy jihatdan atroflicha tahlil qilish va baholash, gʻoyaviy siyosiy hamda ijtimoiy huquqiy qadriyatlarimizga asoslangan mentalitetimiz va sogʻlom dunyoqarash asoslarini mustahkamlash, har qanday nosogʻlom mafkura va gʻoyalarga qarshi immunitetni shakllantirish alohida ahamiyat kasb etadi.
Davron
ALLAMBERGENOV,
tuman prokurorining katta yordamchisi.
(Foto - http://istiqlolavlodi.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
