SOFLOM ONA VA BOLA – YuRTIMIZ BOYLIGI
Oʻzbekiston mustaqillikka erishgan ilk kunlardanoq yurtimizda ona va bola sogʻligini muhofaza etishga, sogʻlom bola tugʻilishi, jismoniy va barkamol avlodni voyaga yetkazishga ustuvor vazifa sifatida qaralmokda. Hukumatimiz tomonidan koʻrsatilayotgan ana shunday eʼtibor va gʻamxoʻrliklar tufayli bugunning bolalari sogʻlom, onalari baxtiyor yashashyapti. Bugungi kelin-qizlarning baxtini qarangki, ulardan davlat miqyosida faqat oʻzlariga, salomatliklariga eʼtiborli boʻlish talab etilmoqda. Shu maʼnoda, mamlakatimiz miqyosida hozirdanoq "Ona va bola sogʻlom boʻlsa, oila baxtli, oila baxtli boʻlsa, jamiyat mustahkam boʻladi” degan hayotbaxsh qadriyat va olijanob gʻoya har bir yurtdoshimizning qalbiga chuqur kirib, mazkur gʻoya ostida oilani, onalik va bolalikni muhofaza qilish tizimi yanada takomillashtirilmoqda.
Bolaning har tomonlama sogʻlom va barkamol ulgʻayishida onaning har jihatdan yetuk, komil boʻlishi zarurligini Yurtboshimiz alohida taʼkidlaydilar. Shuningdek, Birinchi Prezidentimiz I.A.Karimov farzandlarimizga otalarcha gʻamxoʻrlik bilan quyidagi soʻzlarni taʼkidlagan edilar: "Qiz bolani kollejni bitirmasdan, hunar egallamasdan turib, kimki turmushga bermoqchi boʻlsa, bilib qoʻyinglar, buni men uzoqni koʻrmaslik, kaltabinlik deb hisoblayman. Qiz bola, avvalo kasb egallasin, oʻz fikriga ega boʻlsin, hayotni anglasin. Shundan keyin u hayotda oʻzining munosib oʻrnini topadi, jamiyatimizning faol aʼzosiga aylanadi, ertaga u quradigan oila ham mustahkam boʻladi”.
Biz oilani hayot davomiyligini taʼminlaydigan, bolalar taqdiriga kuchli taʼsir oʻtkazadigan tarbiya maskani deb bilamiz. Kattalarga hurmat, kichiklarga izzat, odamiylik, mehr-oqibat, oʻz vataniga, xalqiga sadoqatli boʻlish kabi fazilatlar aynan oila muhitida shakllanadi. Ayolni qadrlash, ogʻir ishlardan xalos etish, turli kasalliklardan himoya qilish er kishining, qolaversa butun jamiyatning burchidir. Oilada sogʻlom bolaning tarbiya topishida mahallaning ham oʻz oʻrni va ahamiyati bor.
Ayolga, onaga boʻlgan bunday yuksak eʼtibor – yurt, millat kelajagiga eʼtibor desak arziydi. Niyatimiz ota-onalar, kelin-qizlar va farzandlarimiz hamisha sogʻ-salomat boʻlishsin!
D.TURDIBAYeVA,
Nukus shahridagi 1-sonli davlat notarial
idorasi kotibi.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
