Jayxun ilhomlari
Shukur qil!
Shu vatan deb jonin tikkanlar uchun,
Sibir, Magadanda yotganlar uchun.
Duo qiling, shahid oʻtganlar uchun,
Bu yorugʻ kunlarni kutganlar qancha,
Istiqlol koʻrmayin ketganlar qancha?
Musofir yurtlarda qolib ketganlar,
"Millatchi” nomini olib ketganlar.
Nomusin yurakka solib ketganlar,
Bu yorugʻ kunlarni kutganlar qancha,
Istiqlol koʻrmayin ketganlar qancha?
Shukur qil Allohga, erking oʻzingda,
Ozodlik quyoshi balqir yuzingda.
Kelajak bayrogʻi oʻgʻil-qizingda,
Bu yorugʻ kunlarni kutganlar qancha,
Istiqlol koʻrmayin ketganlar qancha?
Obod boʻldi hoki avliyolaring,
Yurtga qaytdi Temurdek bobolaring,
Berdaq, Ajiniyoz purziyolaring,
Bu yorugʻ kunlarni kutganlar qancha,
Istiqlol koʻrmayin ketganlar qancha?
Malomat toshlarin otgan kimsalar,
Koʻrolmay baxtingni, tuhmat qilsalar.
Oqibat chidolmay kuyib oʻlsalar,
Shukur qil, istiqlol yoʻllari uchun,
Istiqlolning yorugʻ kunlari uchun!
Oʻktam Rajab oʻgʻli.
Kim edigu, kim boʻldik
Oʻz yerimizda hatto yashadik qoʻrqib,
Oʻzbaki soʻz aytmoq ayb boʻldi baʼzan.
Bir soʻm ziyod topsak, yashirib, hurkib,
Vatanim, deyolmay yashadik, Vatan!
Shukur, bugun turib katta minbardan,
Oʻzbegim dunyoga oʻz soʻzin aytar.
Ozod boʻlib zulm zanjirlaridan,
Istiqlolning ulugʻ tarixin bitar.
Nodira YaNGIBOYeVA.
Oʻzbekistonim
Ey goʻzal Vatanim – Oʻzbekistonim,
Men seni sevaman, joʻshib tugʻyonim.
Dunyoda betakror bogʻ-u boʻstonim,
Istiqloli kulgan Oʻzbekistonim!
Seningdek tinch oʻlka yoʻqdir dunyoda,
Men ham bittadurman, sen ham yagona.
Ozod xalqing magʻrur, shod-u baxtiyor,
Sening nomingga men bitaman ashʼor.
Mustaqil Vatanim, gulgun diyorim,
"Tinchlik mangu boʻlsin!” shudir shiorim.
Senga sheʼrlar bitay, qoʻlda qalamim,
Dunyoda yagona mening Vatanim.
Aziza OʻROZBOYeVA,
32-sonli maktab oʻquvchisi.
TINChLIK QADRI
Dunyodagi eng bebaho,
Eng ulugʻ boyligimiz –
Bu albatta tinchlikdir,
Shudir bizning murodimiz.
Tinchlik - bebaho boylik,
Degan bobolarimiz.
Tinchlik boʻlmasa jahonda,
Zoʻravonlik har yonda.
Shu tufayli doʻstlarim,
Tinchlik qadrini biling.
Sotiladigan narsamas,
Har joyda boʻlsa puling.
Tinch yurtda, ozod joyda,
Yashaganga ne yetsin?
Notinch elning oʻzidan,
Alloh bizni asrasin.
Gulchiroy YOʻLDOShEVA,
8-sonli ixtisoslashtirilgan davlat umumtaʼlim maktabi oʻquvchisi.
Vatanimga koʻz tegmasin
Oʻtmish hikoyalarin unutmaylik hech,
Axir u tariximiz, oʻtgan kunimiz.
Urush yillarida qurbon boʻlganlar,
Ulugʻ ajdodimiz, bobolarimiz.
Biz oʻtmishni hech qachon unutmaymiz
Va kelajak yoʻlini ravon etgaymiz.
Ming shukur, eng ulugʻ vatanimiz bor,
Bayrogʻu ramzimiz, madhiyamiz bor.
Samolarni quchar ezgu niyatlar,
Qoʻllagay bayroqda aks etgan yoʻllar.
Kundan-kunga yorishar yanada kunlar,
Tunni yorugʻ aylar oy va yulduzlar.
Vatan, tinchligingga hech koʻz tegmasin,
Seni yomon koʻzdan xudo asrasin.
Har bitta farzanding tomirlarida,
Vatanga muhabbat oʻti chaqnasin.
Pok qalblar poyingda taʼzimda mangu,
Yorishib turibdi kelajak tongi!
Oʻzbekiston, seni asrab-avaylab,
Bayrogʻingni koʻklarga koʻtaramiz.
Buyuk zotlar turar bizni quvvatlab,
Vatan, sarhadingda sobit turamiz.
Oʻtmishingni hech qachon unutmaymiz
Va kelajak yoʻlin ravon etgaymiz!
Dildora Rajabova,
Amudaryo qishloq xoʻjalik
kasb-hunar kolleji oʻquvchisi.
YuLDUZMAN MEN
Yorugʻ yulduz boʻlsam men,
Dunyolarni kezardim.
Qulochimni yozib keng,
Samolarda suzardim.
Yulduzlar orasida,
Qilardim baland parvoz.
Tinchlik, deya jahonga,
Orzumdan berib ovoz.
Sevara YaNGIBOYeVA.
METIN QALQONIM
Mustaqillik gashtin surib,
Yashayapmiz hur, ozod elda.
Kafolatlar tinchligimiz
Adolatli Konstitutsiya.
Mard oʻgʻlonlar yurtidir bu,
Obod elim – Oʻzbekiston.
Kelajakka kafil mangu
Qonunimdir Konstitutsiya.
Hayotimiz mustahkamdir,
Tinchligimiz abadiydir.
Huquqimiz bari jamdir
Saxovatli Konstitutsiya.
Bosh kitobim - Qomusim,
Mening or-u nomusim.
Har satrida jamlangan,
Sinmas metin qalqonim!
Ona xalqim, buyuksan,
Koʻz tegmasin baxtingga.
Qomusing-la suyuksan,
Munosibsan taxtingga.
Mahliyo RAHIMBOYeVA,
Amudaryo akademik litseyi oʻquvchisi.
QOMUSIM
Dunyodagi eng buyuk,
Tinchlik ramzidir suyuk.
Kafolatli baxt-iqbol
Sendadir Bosh Qomusim.
Boyliklari mislsiz,
Daxlsiz tosh-togʻlari.
Sen borsan, shak-shubhasiz,
Yashnar yurtim bogʻlari.
Qalbim toʻla hayajon,
Yurtim tinch va farovon.
Yoʻlim doim charogʻon,
Tinchlik ila el omon.
Manzura EShIMOVA.
Konstitutsiya
Konstitutsiya – baxtim,
Qonunlari chin taxtim.
Har bandini yodlayman,
Esimdan chiqarmayman.
Kelajagim yozilgan,
Hamda kafolatlangan.
Dilimda takrorlayman,
Yuragimda saqlayman.
U hayotim Nizomi
Va istiqlol qoʻrgʻoni.
Tilimni burro qilgan,
Ham qadrim ulugʻlagan.
Or-nomusim – erkimdir,
Jahon aro koʻrkimdir.
Sinmas metin bardoshim,
Porlab turgan Quyoshim!
Mashhura ABDULLAYeVA.
KELAJAK BUNYoDKORIMIZ
Bugungi biz – oʻzbek bolasi,
Hech kimdan yoʻq kamlik joyimiz.
Qirlarida yongan lolasi,
Toʻlib-toshib oqar soyimiz.
Bugun baland qaddimiz koʻring,
Biz yoshlarning koʻring shahdimiz.
Kelajakning bunyodkorlari,
Tinch boʻlsin Yurt! Shudir ahdimiz.
Bizlar jasur, barkamol avlod,
Yurtni qilib koʻrkam va obod.
Egallab fan choʻqqilarini,
El-u xalqni aylagaymiz shod.
Iroda Yerdosheva.
INSON
Hayot qiziq, insonlar turfa,
Dunyo katta bir jumboq asli.
Birlari shod, birlari xafa,
Shoshib yashar odamzot nasli.
Yer yuzida turfa odam bor,
Lek haqiqiy insonmas bari.
Biri xoin, biri dilozor,
Ketib borar jaholat sari.
Insoniylik – ulugʻlarga xos,
Unga yetmoq juda ham dushvor.
Ezgulikka bor boʻlsa ixlos,
Oʻsha dilda imon ustuvor.
Sabohat YeRDOShEVA,
Amudaryo akademik litseyi oʻquvchisi.
TENGDOShLARIMGA
Yaratilgan zoʻr imkoniyat,
Istiqbolning yoʻllari ochiq.
Bizga kulib boqdi hurriyat,
Istiqlolni ayladi tortiq.
Oʻzbekiston kelajagi – biz!
Sevar edi ulugʻ Yurtboshi.
Bu ishonchga mangu sodiqmiz,
Yoʻlimizda hurlik quyoshi.
Chorlayman men, oʻzim singari,
Tengdoshlarni hayot bogʻiga.
Ilm-irfon choʻqqisi sari,
Dadil qadamlarni qoʻygali.
Gʻiyos Yovmutboyev, Amudaryo
qishloq xoʻjalik kasb-hunar kolleji oʻquvchisi.
buvijon
Kecha edingiz yonimda,
Bugun esa yodimda.
Hayot ilmin oʻrgatgan,
Buvijonim, buvijon.
Nahot endi siz yoʻqsiz,
Qizim, deya suymaysiz?
Yashadingiz dunyoda
Yaxshiligi ziyoda.
Hammalarga mehribon
Yashab oʻtgan buvijon...
Dilnoza MURODOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
