INSON QADR-QIMMATI IFODASI
Men 4-dekabr kuni erta tongda hududimizdagi 82-saylov uchastkasiga borib, Oʻzbekiston Respublikasi Prezidenti saylovida qatnashdim, barcha siyosiy partiyalardan koʻrsatilgan nomzodlar ichida eng munosibiga ovoz berdim. Shu lahzalarni 75 yillik hayotimdagi eng unutilmas lahzalar deb bilaman. Chunki bayramona bezatilgan saylov uchastkasiga erta tongdanoq Prezident saylovida qatnashadigan fuqarolar, hatto keksalar va imkoniyati cheklangan nogironlarning ham bu muhim jarayonda qatnashish uchun ham faxr-iftixor, ham oʻzgacha masʼuliyat bilan oshiqib kelayotganining guvohi boʻldim. Shu oʻrinda avvalo saylovga butun mamlakatimizda qizgʻin tayyorgarlik ishlari olib borilganini, fuqarolarimiz milliy saylov qonunchiligimiz, qonunchiligimizga yangidan kiritilgan oʻzgartirishlar, Prezidentlikka koʻrsatilgan nomzodlarning tarjimai holi, saylovoldi dasturi bilan chuqur tanishtirilganini aytib oʻtish joiz.
Shuningdek, saylov uchastkalarida saylov kunida bu muhim jarayonni demokratik tamoyillar asosida oʻtkazish, saylovda barcha saylovchilarning emin-erkin ishtirok etishi va oʻz xohish-irodasini erkin bildirishi uchun zarur sharoitlar yaratildi.
Menga ayniqsa, mazkur saylovda saylov uchastkasida ona va bola, tibbiyot xonalari, shuningdek, imkoniyati cheklangan fuqarolar uchun maxsus ovoz berish xonasi tashkil etilganligi, shuningdek keksa yoshdagi saylovchilarga ham ulkan eʼtibor qaratilgani juda maʼqul boʻldi. Chunki odam keksaygani sari jismoniy harakati ham cheklanib boraveradi. Ana shunday holatdagi keksalarning ham ovoz berishi uchun qulay imkoniyatlar yaratilgani mamlakatimizda inson qadr-qimmati yuksak eʼzozlanishining amaliy ifodasidir. Bu yurtimizning bugungiday obod va farovon oʻlkaga aylanishi uchun butun kuch-gʻayratini baxshida etib, keksalikka yetgan kishilarning har birining koʻnglida shukronalik, davlatimizdan minnatdorlik tuygʻularini uygʻotishi shabhasiz.
Men bugun birinchilardan boʻlib oʻzim tanlagan munosib nomzodga ovoz berdim. Mening ovozim mamlakatimiz, uning fuqarolari taqdiri uchun fidoyilik koʻrsatadigan, tinchlik, osoyishtalik barqaror boʻlmogʻi uchun kurashadigan eng munosib nomzodning saylanishiga xizmat qiladi. Biz kelgusi avlodlarimiz taqdiri uchun ham masʼulmiz.
Saʼdulla XOʻJANIYoZOV,
matbuot faxriysi, Qoraqalpogʻistonda xizmat koʻrsatgan jurnalist.
(Foto - OʻzA)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
