Iqtisodiyotimiz rivoji yoʻlida...
2016-yilning mart oyida tumanda faoliyat koʻrsatmayotgan sobiq Mangʻit ip yigiruv-toʻquv fabrikasi ishlab chiqarish binosining bir qismida tumanda va Qoraqalpogʻiston Respublikasi tumanlarida yetishtirilgan pillani qayta ishlab, ipak ishlab chiqarish, yangi ish oʻrinlarini yaratish va ishsiz aholining bandligini taʼminlash maqsadida yiliga 250 tonna quruq pillani qayta ishlab, 60 tonna xom ipak ishlab chiqarishga ixtisoslashtirilgan "Asia Silk” Vetnam shoʻʼba korxonasi tashkil etilgan edi. Korxonaga Xitoy xalq Respublikasida ishlab chiqarilgan eng zamonaviy pillakashlik dastgohlari oʻrnatildi va 2011-yilning 1-yanvarigacha qurilish-taʼmirlash ishlari olib borilib, 2011-yil 1-yanvaridan boshlab, korxona 30 nafar ishchi bilan ish faoliyatini boshladi va ayni kunda korxonada 36 nafar ishchi mehnat qilmoqda.
2015 yilda 1 mlrd. 750 mln. soʻmlik mahsulot ishlab chiqarilib, shundan 250 ming AQSh dollari miqdoridagi mahsulot Xitoy, BAA, Rossiya davlatlariga eksport qilindi. 2015-yilning yanvar-iyul oylarida 300 mln. soʻmlik ip kalava ishlab chiqarildi. 2016-yilning 28-iyunidan boshlab, hozirgi kungacha Qoraqalpogʻiston Respublikasi tumanlarida yetishtirilgan quruq pilla navlar aralashmasini sotib olishga 900,0 mln. soʻm avans mablagʻlari pilla yetishtirish korxonalariga berilgan boʻlib, yetishtirilgan quruq pilla navlar aralashmasini qabul qilib olmoqdamiz. Yil boshidan buyon 248 ming AQSh dollari miqdoridagi mahsulot eksport qilindi.
Hozirgi kunda korxona 1 smenada ishlamoqda. 2016-yilning oxirigacha 2 mlrd. soʻmlik mahsulot ishlab chiqarish rejalashtirilmoqda va bu mahsulotlarning 80 foizini eksport qilish rejalashtirilgan.
Mamlakatimiz mustaqilligining 25-yilligiga har bir mehnat jamoasi oʻzlarining mehnat sovgʻalarini tayyorlayotgan bir vaqtda, bizning korxonamiz ishchi-xizmatchilari ham bayramni yorugʻ yuz bilan qarshi oldilar.
Mamlakatimiz, xalqimiz hayotida tub burilishlar yasalishiga, yuksalishlarga asos boʻlgan istiqlolimizning 25-yilligi barcha yurtdoshlarimizga qutlugʻ boʻlsin!
Yo.TOʻRAYeV, "Asia Silk” shoʻʼba korxonasi direktori.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
