BARAKALI MEHNAT - KELTIRAR DAROMAD
Joriy 2013-yilning aprel oyi seryogʻin, paxtakor dehqonlarimiz uchun ancha noqulay kelganligi barchamizga maʼlum. Ayni chigit ekish ishlari yakunlanish arafasida yoqqan sel-yomgʻirlar soz tuproqli yerlarda qalin qatqaloq hosil qildi. Qatqaloqlarni yumshatish ishlariga shoshilinch ravishda barcha ishchi kuchlari, texnika vositalari safarbar qilindi va qisqa muddatda paxta dalalaridagi qatqaloqlar bartaraf qilindi. Bu ishda ayniqsa "Doʻrman” ovuli paxtakorlari namuna koʻrsatdilar.
"Doʻrman”lik paxtakorlar bu yil 1300 gektar yerga chigit ekib, tekis gʻoʻza nihollari undirib olib, toʻla gektarlar hosil qildilar va yosh gʻoʻza nihollari qator oralariga dastlabki ishlov berish hamda maʼdanli - azotli, fosforli va kaliyli oʻgʻitlar bilan oziqlantirish ishlarini agrotexnika qoidalariga muvofiq sifatli nihoyasiga yetkazdilar. Bu ish guruh usulida, yaʼni, 3-4 ta kulʼtivator agregatlari bir joyda - belgilangan fermer xoʻjaliklari paxta maydonlarida guruh boʻlib ishlab, ishlov berish va oziqlantirish ishlarini sifatli amalga oshirdilar. Mavjud 14 ta fermer xoʻjaliklarida 26 ta kultivator agregatlari toʻla quvvatlarda ishladi.
Ayni kunda yosh gʻoʻzalarni yaganalash va begona oʻtlardan tozalash ishlari qizgʻin davom etmoqda. Bu ishda ikki ming nafardan ortiq paxtakorlar paxta dalalarida qizgʻin mehnat qilmoqdalar. Qator fermer xoʻjaliklarida ibratli ishlar amalga oshirilib, yaganalash va begona oʻtlardan tozalash ishlari sifatli nihoyasiga yetkazilmoqda.
Qobul ShOMURODOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
