Qomusimiz – baxtimiz

Tong otadi sokin, munavvar,

Totuvlikdan rang olar zamin.

Yangrab turar sohir allalar,

Topolmaysiz hayotning kamin.

Eʼtiqodda emin-erkin el,

Ahil yashar – bitta Oila.

Qomusimiz ochib bergan yoʻl -

Yashamoq-chun oltin qoida.

Bir yuz oʻttiz millat vakili

Qarogʻida yorugʻ istiqbol.

Orzularga toʻlugʻ har dilni

Quchmish, qarang, ulugʻ Istiqlol!

Bosh Qomusning har bir bobida,

Qadr topgan millatlar shaʼni.

Yer-u osmon, qir-u togʻida,

Kafolatli hayot gulshani!

Ilm olar farzandlar xurram,

Keksalari eʼzozda mangu.

Obod yurtda har kuni bayram,

Har koʻngilda orzu bor – yangi!

Bir varaqlang Qomus sahfasin,

Har satrida inson qadri bor.

Ufurgancha hayot nafasin,

Balqib turar Qonun ustuvor!

Tinch, osuda, hur, ozod Vatan

El baxtiga kafil har palla.

Vatan ichra taraqqiy etgan,

Jannatmakon oʻn ming Mahalla!

Ijtimoiy adolat hokim,

Huquq va burch, masʼuliyat ham.

Shu fazilat yasharkan tokim,

Qudratlidir maʼnaviyat ham!

Daxlsizdir huquq erkimiz,

Himoyada har bitta inson.

Yelkalardan olib yukimiz,

Qomusimiz abadiy posbon.

Robiya YOʻLDOShEVA.