KONSTITUTsIYa — XALQ IRODASIDAN TUGʻILGAN BOSh QOMUSIMIZDIR
Har bir xalqning tarixida shunday unutilmas sanalar boʻladiki, u kunlar yillar osha oʻz ahamiyatini yoʻqotmaydi, balki yangicha maʼno kasb etib boradi. 8-dekabr — Oʻzbekiston xalqi uchun ana shunday ulugʻ sanolardan biri. Chunki shu kuni mamlakatimizning bosh Qonuni — Konstitutsiya qabul qilingan.
Bugun mamlakatimizda amalga oshirilayotgan keng koʻlamli islohotlarning tag-zaminida ham shu Konsituttsiya ruhiyati yotadi. Yangi Oʻzbekiston degan tushuncha — adolatli jamiyat, kuchli fuqarolik pozitsiyasi, yoshlar uchun keng imkoniyatlar deganidir. Bularning barchasi bosh Qonunimizdagi tamoyillar bilan uygʻunlikda hayotga tatbiq etilyapti.
Yoshlar — jamiyatning eng katta kuchi, eng katta ishonchi. Bugun ularga yaratilayotgan sharoitlar, taʼlimdagi oʻzgarishlar, innovatsion imkoniyatlar, tadbirkorlikka berilayotgan keng yoʻl — Konstitutsiyaning amaldagi natijasidir. Zero, ertangi kun aynan bugungi yoshlar qoʻlida. Ularning bilimli, tashabbuskor, vatanparvar boʻlib voyaga yetishi — davlatimiz taraqqiyotining asosi hisoblanadi.
8-dekabrni nishonlar ekanmiz, biz Konstitutsiyani faqat bir kun eslab qolmaymiz. Balki uning har bir bandi — bizning tinchligimiz, erkinligimiz, farovonligimizni himoya qilayotganini yana bir bor anglaymiz. Konstitutsiya — biz yashayotgan hayotning qoidalari, adolatning mezoni, davlat va xalq oʻrtasidagi ishonch koʻprigidir.
Shu bois bu hujjatni hurmat qilish, unga amal qilish, uni anglash — har bir fuqaroning sharafli burchidir. Bosh Qonunimizga sodiqlik esa — yurt kelajagiga sodiqlik demakdir.
Konstitutsiya — bugunning barqarorligi, ertangining ishonchi va kelajak avlodlarning mustahkam poydevoridir.
8-dekabr — ana shu poydevorning yuksak qadriyati sifatida nishonlanadigan kunidir.
Shahlo Yangiboyeva, Berdaq nomidagi Qoraqalpoq Davlat universiteti 3-bosqich talabasi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
