USTOZIMIZ KABI
Hozirgi kunda yangi qurilgan va zamonaviy oʻquv-texnik jihozlar bilan taʼminlangan maktablar havas qilsa arzigudek. Aynan shunday dargohlarda tahsil olayotgan yoshlarning orzu-intilishlari, iqtidori kishini quvontiradi.
Bunda albatta, ustoz va murabbiylarning oʻrni beqiyos. Zevar Kamolova ham ana shunday ustozlardan biridir. U 1976-yil sobiq "Mangʻit” maktabining 1-sinfiga oʻqishga bordi, 1986-yil shu maktabni aʼlo baholarga bitiradi. 1989-1991-yillar mobaynida Yunus Rajabiy nomidagi pedagogika bilim yurtida oʻqib, imtiyozli diplom bilan tugatdi va bolalar bogʻchasida mehnat faoliyatini boshladi. Lekin uning orzusi boshlangʻich sinf oʻqituvchisi boʻlish edi. Shu niyatda 2005-yil NDPIning "Boshlangʻich taʼlim” yoʻnalishi boʻyicha maxsus sirtqi boʻlimiga oʻqishga kirdi. Nihoyat oʻz orzusiga erishdi. 16-sonli umumtaʼlim maktabida mehnat faoliyatini boshladi. Kelajagimiz davomchilari boʻlgan yosh avlodga taʼlim-tarbiya berish bilan bir qatorda ochiq darslar tashkil qiladi. Dars jarayonida zamonaviy pedagogik texnologiyalardan foydalanib, oʻquvchilar bilimiga bilim qoʻshadi.
Zevar opa oʻz ustida koʻproq ishladi va izlandi. Bu izlanishlar oʻz samarasini berdi. 2012-yilda tuman maktablari orasida boʻlib oʻtgan "Yil oʻqituvchisi” koʻrik tanlovida qatnashib, eng yuqori koʻrsatkichga ega boʻldi va Nukus shahrida boʻlib oʻtgan tumanlararo "Yil oʻqituvchisi - 2012” koʻrik-tanlovida faxrli 3-oʻrinni egallab, tumanimiz pedagoglari nomini yuqori koʻtardi.
Hozirgi kunda u 16-sonli umumtaʼlim maktabida yosh avlodga taʼlim-tarbiya berib kelmoqda. Zevar opa Kamolovaga tanlagan mashaqqatli kasbida doim olgʻa intilishini tilab qolamiz. Biz magistrantlar ham ana shunday ustoz-oʻqituvchilar singari, kelajakda yosh avlod taʼlim-tarbiyasiga oʻz hissamizni qoʻshishni oʻz oldimizga maqsad qilib qoʻyganmiz.
Mastura MADRAHIMOVA,
NDPI 1-bosqich magistranti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
