Amudaryo tumanida qişloq xöjaligi jarayonlari va yangi loyihalar közdan keçirildi

Bugungi kunda Amudaryo tumanida qişloq xöjaligi sohasidagi eng muhim agrotexnik tadbirlar uyuşqoqlik bilan amalga oşirilmoqda. Ayni vaqtda mirişkor dehqonlarimizning asosiy eʼtibori ğalla örimi mavsumini qisqa muddatlarda, heç qanday yöqotişlarsiz va sifatli darajada yakunlaşga, şuningdek, paxta maydonlarida barça zarur agrotexnik işlarni öz vaqtida bajarişga qaratilgan.

Yetiştirilgan möl don hosilini nes-nobud qilmasdan örib-yiğib oliş maqsadida barça mavjud zamonaviy texnika vositalari hamda malakali mexanizatorlar safarbar etilgan. Dalalarda örim kombaynlari uzluksiz faoliyat olib bormoqda va buning natijasida yiğib olingan hosilni qabul qiliş maskanlariga uzluksiz va tizimli ravişda yetkazib beriş çoralari körilmoqda. Soha masʼullari tomonidan örim-yiğim jarayonlari doimiy nazorat qilinib, texnika hamda yonğin xavfsizligi qoidalariga qatʼiy rioya etilişi taʼminlanmoqda.

Şu bilan birga, tumanning paxta maydonlarida agrotexnik tadbirlar jadal surʼatlarda olib borilmoqda. Jumladan, ğöza qator oralariga işlov beriş, ösimlikni meʼyorida suğoriş, mineral öğitlar bilan vaqtida oziqlantiriş, şuningdek, turli xil zararkunandalar hamda kasalliklarga qarşi kuraşiş işlari belgilangan reja asosida amalga oşirilmoqda. Malakali mutaxassislar tomonidan har bir maydon holati joyida örganilib, fermer va dehqonlarga zarur amaliy tavsiyalar berib borilmoqda.

Taʼkidlaş joizki, ğalla örimini yuqori uyuşqoqlik bilan yakunlaş va ğöza parvarişida agrotexnik talablarga töliq amal qiliş kelgusi hosildorlikni taʼminlaşda muhim ahamiyat kasb etadi. Bu maqsad yölida Amudaryo tumanidagi barça masʼul taşkilotlar, fermer xöjaliklari va qişloq mehnatkaşlari hamjihatlikda samarali mehnat qilmoqdalar. Bu maşaqqatli mehnat birinçi navbatda aholini kundalik sifatli oziq-ovqat mahsulotlari bilan taʼminlaş, yurtimizning eksport salohiyatini oşiriş hamda mamlakatimizning oziq-ovqat xavfsizligini mustahkamlaşga bevosita xizmat qiladi.

Uşbu jarayonlarni yanada jadallaştiriş va qişloq mehnatkaşlarini qöllab-quvvatlaş maqsadida 9-iyun kuni Özbekiston fermerlari kengaşi bölim boşliği Barno Mirzamova, Qoraqalpoğiston fermerlari kengaşi raisi örinbosari Allaniyoz Ajimov, tuman fermerlar kengaşi raisi Ilxom Palvanov hamda kengaş agronomi Javlon Rajabovlar iştirokida fermer xöjaliklari dalalarida örganiş işlari olib borildi.

Mutasaddilar tomonidan qişloq xöjaligi xodimlariga Özbekiston Respublikasi Prezidentining 2026-yil 8-maydagi “Paxta va buğdoy yetiştiruvçilarni moliyaviy qöllab-quvvatlaşning qöşimça çora-tadbirlari töğrisida”gi Farmonida belgilab berilgan imtiyozlardan kelib çiqqan holda işlarni amalga oşiriş böyiça batafsil tuşuntirişlar berildi.

Taşrif davomida işçi guruh vakillari tumanning Bobur nomli ovuli hududida faoliyat yuritayotgan “Ravşanbek Amirxon” fermer xöjaligining ğalla maydonlarida bölib, örim-yiğim mavsumiga körilgan tayyorgarlik işlari bilan tanişdilar va özlarining kerakli tavsiyalarini berdilar.

Şundan söng masʼullar Özbekiston Respublikasi Prezidentining 2025-yil 31-oktyabrdagi “Aholini oziq-ovqat mahsulotlari bilan barqaror taʼminlaşga doir qöşimça çora-tadbirlar töğrisida”gi qarori ijrosi doirasida joylarda amalga oşirilayotgan yangi loyihalar bilan yaqindan tanişiş maqsadida “Umid Azimxöja” fermer xöjaligida böldilar. Bu yerda amalga oşirilayotgan işlar, yaratilgan şart-şaroitlar hamda xöjalikning istiqbolli rejalari atrofliça örganildi.

Qaror ijrosi doirasida mazkur hududda aholi bandligini va oziq-ovqat xavfsizligini taʼminlaş, fermerlik va tadbirkorlik faoliyatini har tomonlama qöllab-quvvatlaşga qaratilgan köplab loyihalar bosqiçma-bosqiç amalga oşirilmoqda. Xususan, mahsulot yetiştiriş hajmini oşiriş, qişloq xöjaligi mahsulotlarini saqlaş va çuqur qayta işlaş imkoniyatlarini kengaytiriş, zamonaviy texnologiyalarni joriy etiş hamda yangi iş örinlarini yaratişga katta eʼtibor qaratilmoqda.

Taşrif yakunida mutasaddilar tomonidan mazkur loyihalarning iqtisodiy samaradorligini yanada oşiriş, aholi daromadlarini köpaytiriş va hududning umumiy iqtisodiy salohiyatini mustahkamlaş böyiça tegişli tavsiyalar berildi.

Davlatimiz tomonidan yaratilayotgan şaroitlar va berilayotgan imtiyozlar, şuningdek, sohadagi tizimli islohotlar yaqin kelajakda tuman qişloq xöjaligini rivojlanişning yangi bosqiçiga olib çiqadi hamda el farovonligini taʼminlaşda özining ulkan natijalarini beradi.