АМУДАРЁЛИК ПИЛЛАКОРЛАР 254 ТОННА ЮҚОРИ СИФАТЛИ ПИЛЛА ХОМ АШЁСИ ТАЙЁРЛАШНИ РЕЖАЛАШТИРМОҚДАЛАР
Пиллачиликни халқимиз етти хазинанинг бири сифатида эътироф этишади. Чунки пилла хом ашёсини қайта ишлаш саноати корхоналари уни инсон эҳтиёжлари учун энг зарур ва фойдали маҳсулотларга – мудофаа саноати учун муҳим воситаларга, кийим-кечак, чорва учун витаминларга бой озуқа, ҳатто қишлоқ хўжалигида қимматли ўғитга айлантирадилар. Қисқаси, пилла хом аёшсини қайта ишлаш орқали олинадиган маҳсулотларнинг сон-саноғи йўқ. Шу боис, мамлакатимизда пиллачилик соҳасини жадал ривожлантиришга алоҳида эътибор қаратилади. Айни кунларда ўз соҳасининг билимдонлари бўлган соҳа мутахассислари ва пиллакорлар 2023 йилги “кумуш тола” хирмонини бунёд этишни бошлаб юбордилар.
Амударё туманида ҳам аграр тизимнинг муҳим тармоғи бўлган пиллачиликка алоҳида эътибор қаратилади. Соҳа ривожида муҳим аҳамият касб этадиган омиллардан бири – сифатли ва самарадор ипак қурти уруғини танлаш ҳамда белгиланган муддатларда жонлантиришдир.
Соҳа мутахассислари томонидан 2023 йил баҳорги пиллачилик мавсумини муваффақиятли ўтказиш мақсадида ипак қуртини жонлантиришга алоҳида эътибор қаратилиб, “Jayxun silk” МЧЖ пиллани қайта ишлаш корхонаси агрономлари туманнинг 16 та ҳудудида ташкил этилган инкубаторияларга биркитилди.
Хонадонлар шароитида ипак қурти парваришлаб, йиллар давомида сифатли пилла ҳосили етиштириб келаётган 1845 нафар тажрибали касаначи-пиллакорларнинг қуртхоналари ипак қуртини парваришлаш мавсумига олдиндан тайёрлаб қўйилди. Қуртхоналар сифатли оқланиб, зооветеринария қоидаларига мувофиқ ободонлаштирилди.
Жорий йилнинг 7 апрель санасида “Аndijan Guantong” хусусий корхонасидан 4000 қути, “Turtkul Silkworm Pro” масъулияти чекланган жамияти корхонасидан 1718 қути ипак қурти уруғи олиб келиниб, инкубаторияларга қўйилди ва 18-19 апрель кунлари сифатли жонлантирилган ипак қурти уруғи касаначи ва пудратчи пиллакорларга тарқатилди.
Жорий йилги пиллачилик мавсумида “Jayxun silk” масъулияти чекланган жамияти пиллани қайта ишлаш корхонаси томонидан 254 тонна юқори сифатли пилла хом ашёсини тайёрлаш режалаштирилган бўлиб, 1845 нафар касаначи пиллакорлар билан касаначилик шартномалари тузилган. Унга кўра, ҳар бир касаначининг ипак қуртини парваришлаш мавсуми давомида амалга ошириши талаб этиладиган вазифалари аниқ белгилаб берилиб, ҳудудларга биркитилган пиллачилик агрономлари томонидан зарур тушунтириш ишлари олиб борилди.
Тумандаги мавжуд тутзорлар вақтида озиқлантирилиб, тут барги етишмовчилиги билан боғлиқ муаммолар келиб чиқишининг олди олинди. Ипак қуртларига даста қўйиш жараёни бошлангунга қадар ипак қуртлари зооветеринария қоидаларига мувофиқ озиқлантириб борилди. Натижада бутун туман бўйича барча касаначилар қарамоғидаги ипак қуртлари ёппасига сифатли пилла ўрашга киришди.
Илғор ва тажрибали пиллакорлар ўзлари етиштирган ҳосилни пиллани қабул қилиш пунктларига топширишни бошлаб юбордилар. Жорий йилнинг 24 май ҳолатига амударёлик “кумуш тола” ижодкорлари яратган хирмон 14451 килограммдан ошди. Пиллакорларнинг шижоатидан аёнки, яна бир неча кундан сўнг Амударёнинг 254 тонналик юксак пилла хирмони бунёд этилишига ҳеч шак-шубҳа йўқ.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
