ВАКИЛЛАР ЙИҒИЛИШИ ЎТКАЗИЛДИ

Мамлакатимизда фуқaрoлaрнинг ўзини ўзи бoшқaриш институти – мaҳaллa фaoлиятининг тaшкилий aсoслaрини янaдa тaкoмиллaштириш, унинг вaзифaлaри кўлaмини кeнгaйтириш борасида салмоқли ишлар амалга оширилмоқда.

Бугун маҳалла илгари давлат ҳокимияти ваколатида бўлган 30 дан ортиқ вазифаларни бевосита амалга ошириб, босқичма-босқич фаолият кўламини кенгайтириб бормоқда. Сўнгги икки йил ичида ушбу тизимга доир кўплаб қонун ҳужжатларининг қабул қилиниши натижасида унинг ташкилий-ҳуқуқий асослари янада такомиллашиб, вазифалари кўлами ҳам кенгайди.

Хусусан, Ўзбекистон Республикасининг 2013 йил 22 апрелда қабул қилинган "Фуқароларнинг ўзини ўзи бошқариш органлари тўғрисида”ги янги таҳрирдаги Қонунининг 11-моддасига мувофиқ шаҳарча, қишлоқ, овул ва маҳалла фуқаролар йиғинлари йилнинг ҳар чорагида вилоят, туман ва шаҳар ижро этувчи ҳокимият органлари раҳбарларининг фуқаролар йиғинлари фаолияти соҳасига кирувчи масалалар юзасидан ҳисоботини эшитиши белгилаб қўйилган.

2014 йил 26 декабрь куни "Чойкўл” овулидаги маданият ва аҳоли дам олиш маркази биносида туман ҳокимининг фуқаролар йиғинлари фаолияти соҳасига кирувчи масалалар юзасидан ҳисоботи бўйича "Чойкўл” овули фуқаролар вакиллари йиғилиши бўлиб ўтди.

"Чойкўл” ОФЙ раиси Р.Юлдашев раислик қилган мазкур йиғилишга жами 70 нафар фуқаролар вакилларидан 68 нафари қатнашди. Шунингдек, йиғилишда "Чойкўл” овул ва "Босув” маҳалла фуқаролар йиғинлари масъул ходимлари, фуқаролар йиғини асосий фаолият йўналишлари бўйича комиссиялар аъзолари, тафтиш комиссияси аъзолари, фуқаролик жамияти шаклланишини мониторинг қилиш мустақил институти Қорақалпоғистон Республикаси бўлими вакили, туман ҳокимлиги, тумандаги муассаса, корхона ва ташкилотлар вакиллари ҳамда оммавий ахборот воситалари вакиллари қатнашдилар.

Йиғилиш кун тартибига "Фуқаролар йиғинлари фаолияти соҳасига кирувчи масалалар юзасидан туман ҳокими Р.Йўлдошевнинг ҳисоботи тўғрисида”ги масала ҳавола қилинди.

Йиғилишни ўтказишдан асосий мақсад – Ўзбекистон Республикасининг "Фуқароларнинг ўзини ўзи бошқариш органлари тўғрисида”ги Қонунининг 11-моддасида белгиланган фуқаролар йиғинининг ваколатларига кирувчи масалалар, жумладан ҳар чоракда Қорақалпоғистон Республикаси, вилоятлар, Тошкент шаҳар, туманлар ва шаҳарлар ижро этувчи ҳокимият органлари раҳбарларининг фуқаролар йиғинлари фаолияти соҳасига кирувчи масалалар юзасидан ҳисоботларини эшитиш амалиётини кенг жорий қилиш ҳамда Вазирлар Маҳкамасининг 2014 йил 22 февралдаги 37-сонли баёни билан тасдиқланган "Ўзбекистон Республикасида 2014 йилда фуқароларнинг ўзини ўзи бошқариш органлари фаолиятининг самарадорлигини янада оширишга қаратилган қўшимча чора-тадбирлари тўғрисида”ги Дастурнинг 17-банди ижросини таъминлашдир.

Йиғилишда туман ҳокими Ражаббой Йўлдошев кун тартибидаги масала бўйича ҳамда 2014 йил давомида туманда амалга оширилган ишлар юзасидан ҳисобот берди.

Ҳисоботда туманни ижтимоий-иқтисодий ривожлантириш борасида амалга оширилган ишлар ва келгусидаги режалар хусусида батафсил тўхталиб ўтилди.

Йиғилишда сўзга чиққан Чойкўл овул фуқаролар йиғини вакиллари туман ҳокимининг ҳисоботини қўллаб-қувватлади, туман ҳокимига саволлар, таклифлар билан мурожаат қилдилар ҳамда фикр-мулоҳазаларини баён этдилар.

Бу каби учрашув маҳаллий даражадаги муаммоларга ўз вақтида ечим топишга, жамоатчилик назорати амалга оширилишига, давлат ҳокимияти ва бошқаруви органлари фаолиятининг очиқлигини таъминлашга, фуқароларнинг давлат ва жамият ишларини бошқаришда фаол иштирок этишига ҳамда давлат органлари, нодавлат нотижорат ташкилотлари ва фуқароларнинг ўзини ўзи бошқариш органлари ўртасидаги ижтимоий шериклик муносабатларини мустаҳкамлашга хизмат қилади.

Йиғилиш якунида кун тартибидаги масала бўйича вакиллар йиғилишининг қарори қабул қилинди.

Туман ҳокимлиги

ахборот хизмати.