ХАЛҚ ДЕПУТАТЛАРИ ТУМАН КЕНГАШИНИНГ 39-СЕССИЯСИ ТЎҒРИСИДА АХБОРОТ
2014 йил 30 октябрь куни Халқ депутатлари туман Кенгашининг 39-сессияси бўлиб ўтди. Сессияни 24-Қангли сайлов округидан депутат, туман ҳокими Р.Йўлдашев кириш сўзи билан очди ва олиб борди.
Сессияда халқ депутатлари туман Кенгаши депутатлари, ҳоким ўринбосарлари ва ҳокимлик масъул ходимлари, бўлимлари, сиёсий партиялар ва жамоат ташкилотлари раҳбарлари ҳамда оммавий ахборот воситалари вакиллари иштирок қилдилар.
Сессия котиблигига 23-Навоий сайлов округидан депутат К.Куденов сайланди.
Сессия кун тартибига "Ўзбекистон Республикаси Олий Мажлиси Қонунчилик палатасига сайлов ўтказувчи участка сайлов комиссиялари аъзолигига номзодлар тавсия қилиш тўғрисида”ги, "Фермер хўжалиги тўғрисида”ги Ўзбекистон Республикасининг Қонуни ва тегишли ҳукумат қарорлари талабларининг туманда ижроси тўғрисида”ги, "Соғлом бола йили” туман дастурининг 2014 йил 9 ойидаги ижроси юзасидан туман ҳокимининг биринчи ўринбосари Б.Эрназаровнинг ҳисоботи тўғрисида”ги ва "Ўзбекистон Республикаси Президентининг 2014 йил 6 февралдаги "Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида”ги ПҚ 2124-сонли қарори ижросини таъминлаш юзасидан Амударё туманида 2014 йил 9 ойида олиб борилган ишлар бўйича туман ҳокими ўринбосари, хотин-қизлар қўмитаси раиси М.Аҳмедованинг ҳисоботи ҳақида”ги ва бошқа масалалар киритилди.
Сессия кун тартибидаги биринчи масала муҳокамасида таъкидландики, Ўзбекистон Республикаси Олий Мажлиси Қонунчилик палатасига, Қорақалпоғистон Республикаси Жўқорғи Кенгеси ва халқ депутатлари туман Кенгашига сайловлар муносабати билан туман ҳудудида Беруний туманининг бир қисми қўшилган ҳолда Ўзбекистон Республикаси Олий Мажлиси Қонунчилик палатаси депутатлигига сайлов ўткузувчи 4-Амударё сайлов округи, Қорақалпоғистон Республикаси Жўқорғи Кенгесига сайлов ўтказувчи 6 та сайлов округи ва округ сайлов комиссиялари тузилди. Халқ депутатлари туман Кенгашига сайлов бўйича 30 та сайлов округи ва округ сайлов комиссиялари тузилиб, фаолиятларини бошладилар.
2014 йил 20 октябрь кунги 4-Амударё округ сайлов комиссиясининг қарори билан Амударё туманида 58 та, Беруний туманида 16 та сайлов участкалари тузилди.
"Ўзбекистон Республикаси Олий Мажлисига сайлов тўғрисида”ги Ўзбекистон Республикаси Қонунининг 16-моддасида участка сайлов комиссиялари аъзолигига номзодлар Халқ депутатлари туман Кенгаши сессиялари мажлисларида муҳокама қилиниб, округ сайлов комиссиясига тавсия қилиниши белгиланган. Депутатлар томонидан тумандаги 58 та участка сайлов комиссиялари аъзолигига номзодлар тавсия қилиш масаласи кўриб чиқилиб, тегишли қарор қабул қилинди.
Кун тартибидаги иккинчи масала, "Фермер хўжалиги тўғрисида”ги Ўзбекистон Республикасининг Қонуни ва тегишли ҳукумат қарорлари талабларининг тумандаги ижроси тўғрисида”ги масала юзасидан туман Кенгашининг Аграр, сув хўжалиги масалалари ва экология бўйича доимий комиссияси раиси ўринбосари Анвар Юлдашов, "Соғлом бола йили” туман дастурининг 2014 йил 9 ойида ижроси юзасидан туман ҳокимининг биринчи ўринбосари Баҳодир Эрназаров ҳисобот берди.
Кун тартибидаги тўртинчи масала, Ўзбекистон Республикаси Президентининг 2014 йил 6 февралдаги "Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида”ги ПҚ 2124-сонли қарори ижросини таъминлаш юзасидан Амударё туманида 2014 йил 9 ойида олиб борилган ишлар бўйича туман ҳокими ўринбосари, хотин-қизлар қўмитаси раиси Марям Аҳмедова ҳисобот берди.
Кун тартибидаги барча масалалар бўйича тегишли қарорлар қабул қилинди ва шунинг билан сессия ўз ишини якунлади.
Ўз мухбиримиздан
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
