Халқ депутатлари Амударё туман Кенгашининг йигирма саккизинчи сессияси тўғрисида АХБОРОТ
2013 йил 27 сентябрь куни халқ депутатлари туман Кенгашининг йигирма саккизинчи сессияси бўлиб ўтди. Сессияда туман Кенгаши депутатлари, ҳоким ўринбосарлари, ҳокимлик масъул ходимлари, ҳокимлик бўлимлари ва жамоат ташкилотлари раҳбарлари ҳамда оммавий ахборот воситалари вакиллари иштирок этдилар.
Сессия котиблигига "6-Бўстон” сайлов округидан депутат Каримбой Атажанов сайланди.
Сессия кун тартибига "Фуқаролар йиғинлари раислари (оқсоқоллари) ва уларнинг маслаҳатчилари сайловига тайёргарлик кўриш ҳамда уни ўтказиш тўғрисида”ги масала ҳавола қилинди.
Қорақалпоғистон Республикаси Конституциясининг 99-моддасига, "Фуқароларнинг ўзини ўзи бошқариш органлари тўғрисида”ги Қорақалпоғистон Республикаси Қонунининг 23-моддасига, «Фуқаролар йиғини раиси (оқсоқоли) ва унинг маслаҳатчилари сайлови тўғрисида»ги Қорақалпоғистон Республикаси Қонунининг 8-моддасига мувофиқ, фуқароларнинг ўзини ўзи бошқариш органлари раислари (оқсоқоллари) ва уларнинг маслаҳатчиларининг ваколат муддатининг 2013 йил ноябрь-декабрь ойларида тугаши муносабати билан Ўзбекистон Республикаси Олий Мажлиси Сенати Кенгашининг 2013 йил 12 сентябрдаги КҚ-90-II-сонли ҳамда Қорақалпоғистон Республикаси Жўқорғи Кенгеси Президиумининг 2013 йил 23 сентябрдаги 244-сонли қарорлари қабул қилинди ва сайлов ўтказиш муддати шу йилнинг ноябрь-декабрь ойлари қилиб белгиланди.
Сайловлар мамлакатимиздаги 9756 та, Қорақалпоғистон Республикасидаги 401 та фуқароларнинг ўзини ўзи бошқариш органларида бўлиб ўтади. Туманда фаолият юритаётган 1 та шаҳарча, 16 та овул, 19 та овул фуқаролар йиғини таркибидаги маҳалла ва шаҳардаги 11 та маҳалла фуқаролар йиғинларида 47 нафар оқсоқол ва уларнинг 420 нафардан ортиқроқ маслаҳатчилари сайланади.
Сессияда кун тартибидаги масала юзасидан ишчи гуруҳ томонидан тайёрланган халқ депутатлари туман Кенгашининг қарори лойиҳаси ўқиб эшиттирилди. Депутатлар қарор лойиҳасини бир овоздан маъқуллаб, тасдиқладилар. Туман Кенгаши қарори билан туман ҳудудида фуқаролар йиғинлари раислари (оқсоқоллари) ва уларнинг маслаҳатчилари сайловларини ташкил этиш ва ўтказиш бўйича тадбирлар режаси тасдиқланиб, сайловни ташкил этиш ҳамда ўтказишга кўмаклашувчи туман комиссияси таркиби эълон қилинди.
Шунинг билан сессия ўз ишини якунлади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
