Халқ депутатлари туман Кенгашининг йигирма иккинчи сессияси тўғрисида АХБОРОТ
2016 йил 28 июль куни халқ депутатлари туман Кенгашининг йигирма иккинчи сессияси бўлиб ўтди.
Сессияга Кенгаш Регламентининг 16-моддасига мувофиқ туман ҳокими топшириғига биноан депутат Р.Рўзметов раислик қилди.
Сессия аввалида сессия котиби сайланди ва кун тартиби тасдиқланди.
Дастлаб "Аҳолининг санитария-эпидемиологик осойишталиги тўғрисида”ги Ўзбекистон Республикаси Қонунининг тумандаги ижроси тўғрисида”ги масала юзасидан "Куюк кўпир” сайлов округидан депутат Ғ.Ешниёзов ахборот қилди.
Кун тартибидаги иккинчи масала муҳокамасида туман ҳокимининг ўринбосари, Хотин-қизлар қўмитаси раиси М.Аҳмедова сўзга чиқиб, 2016 йил "Соғлом она ва бола йили” туман дастурининг биринчи ярим йилликдаги ижроси тўғрисида ахборот берди.
Сўнгра туманда 2016 йилнинг биринчи ярмида иш ўринларини яратиш ва аҳоли бандлигини таъминлаш дастурининг ижроси ҳамда жорий йилнинг биринчи ярмида туманни ижтимоий-иқтисодий ривожлантириш якунлари ва 2016 йилги иқтисодий дастурнинг энг муҳим устувор вазифалари бажарилишини сўзсиз таъминлаш чора-тадбирлари тўғрисидаги масалалар юзасидан туман ҳокимининг иқтисодиёт ва ижтимоий ривожлантириш масалалари бўйича ўринбосари М.Темирбоев ҳисобот берди, туман маҳаллий бюджетининг 2016 йил биринчи ярим йиллигидаги ижроси муҳокама қилинди.
Сессияда 2016 йил 6 ойи давомида туман ҳудудида қонунийликнинг ҳамда жиноятчиликка қарши курашнинг ҳолати тўғрисида туман прокурорининг ахбороти тингланди.
Кун тартибидаги навбатдаги масала бўйича депутат М.Садуллаев сўзга чиқиб, Амударё туман кўп тармоқли марказий поликлиникасини замонавий тиббиёт ва диагностика асбоб-ускуналари билан жиҳозлаш, уларда тиббий хизмат кўрсатиш сифатини ошириш йўлида олиб борилаётган ишлар тўғрисидаги масала юзасидан ахборот берди.
Сессия кун тартибига киритилган "Маданий мерос объектларини муҳофаза қилиш ва улардан фойдаланиш тўғрисида”ги Ўзбекистон Республикаси Қонунининг Амударё туманида ижроси юзасидан туман маданият ва спорт ишлари бўлими мудири Ш.Юсупов ахборот берди.
Шунингдек, депутатлар "Ўзбекистон Республикаси Олий Мажлиси Сенати Кенгашининг 2016 йил 8 июлдаги "Фуқаролар йиғинлари раислари (оқсоқоллари) ва уларнинг маслаҳатчилари сайлови якунлари тўғрисида”ги № ҚҚ-94-III сонли қарори ҳақида”ги масалани ҳам муҳокама қилдилар.
Кун тартибидаги масалалар бўйича ҳисобот ва ахборотлар, сўзга чиқувчиларнинг фикр-мулоҳазалари инобатга олинган ҳолда тегишли қарорлар қабул қилинди.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
