Xalq deputatlari tuman Kengashining yigirma ikkinchi sessiyasi toʻgʻrisida AXBOROT

2016-yil 28-iyul kuni xalq deputatlari tuman Kengashining yigirma ikkinchi sessiyasi boʻlib oʻtdi.

Sessiyaga Kengash Reglamentining 16-moddasiga muvofiq tuman hokimi topshirigʻiga binoan deputat R.Roʻzmetov raislik qildi.

Sessiya avvalida sessiya kotibi saylandi va kun tartibi tasdiqlandi.

Dastlab "Aholining sanitariya-epidemiologik osoyishtaligi toʻgʻrisida”gi Oʻzbekiston Respublikasi Qonunining tumandagi ijrosi toʻgʻrisida”gi masala yuzasidan "Kuyuk koʻpir” saylov okrugidan deputat Gʻ.Yeshniyozov axborot qildi.

Kun tartibidagi ikkinchi masala muhokamasida tuman hokimining oʻrinbosari, Xotin-qizlar qoʻmitasi raisi M.Ahmedova soʻzga chiqib, 2016-yil "Sogʻlom ona va bola yili” tuman dasturining birinchi yarim yillikdagi ijrosi toʻgʻrisida axborot berdi.

Soʻngra tumanda 2016-yilning birinchi yarmida ish oʻrinlarini yaratish va aholi bandligini taʼminlash dasturining ijrosi hamda joriy yilning birinchi yarmida tumanni ijtimoiy-iqtisodiy rivojlantirish yakunlari va 2016-yilgi iqtisodiy dasturning eng muhim ustuvor vazifalari bajarilishini soʻzsiz taʼminlash chora-tadbirlari toʻgʻrisidagi masalalar yuzasidan tuman hokimining iqtisodiyot va ijtimoiy rivojlantirish masalalari boʻyicha oʻrinbosari M.Temirboyev hisobot berdi, tuman mahalliy byudjetining 2016-yil birinchi yarim yilligidagi ijrosi muhokama qilindi.

Sessiyada 2016-yil 6 oyi davomida tuman hududida qonuniylikning hamda jinoyatchilikka qarshi kurashning holati toʻgʻrisida tuman prokurorining axboroti tinglandi.

Kun tartibidagi navbatdagi masala boʻyicha deputat M.Sadullayev soʻzga chiqib, Amudaryo tuman koʻp tarmoqli markaziy poliklinikasini zamonaviy tibbiyot va diagnostika asbob-uskunalari bilan jihozlash, ularda tibbiy xizmat koʻrsatish sifatini oshirish yoʻlida olib borilayotgan ishlar toʻgʻrisidagi masala yuzasidan axborot berdi.

Sessiya kun tartibiga kiritilgan "Madaniy meros obʼektlarini muhofaza qilish va ulardan foydalanish toʻgʻrisida”gi Oʻzbekiston Respublikasi Qonunining Amudaryo tumanida ijrosi yuzasidan tuman madaniyat va sport ishlari boʻlimi mudiri Sh.Yusupov axborot berdi.

Shuningdek, deputatlar "Oʻzbekiston Respublikasi Oliy Majlisi Senati Kengashining 2016-yil 8 iyuldagi "Fuqarolar yigʻinlari raislari (oqsoqollari) va ularning maslahatchilari saylovi yakunlari toʻgʻrisida”gi № QQ-94-III sonli qarori haqida”gi masalani ham muhokama qildilar.

Kun tartibidagi masalalar boʻyicha hisobot va axborotlar, soʻzga chiquvchilarning fikr-mulohazalari inobatga olingan holda tegishli qarorlar qabul qilindi.

Tuman hokimligining axborot xizmati.