Халқ депутатлари туман Кенгашининг 11-сессияси тўғрисида АХБОРОТ
2015 йил 16 ноябрь куни халқ депутатлари туман Кенгашининг ўн биринчи сессияси бўлиб ўтди. Сессияга халқ депутатлари Амударё туман Кенгаши Регламентининг 16-моддасига мувофиқ туман ҳокими топшириғига биноан депутат Р.Ўрозбоев раислик қилди.
Сессияда Кенгаши депутатлари, Қорақалпоғистон Республикаси Жўқорғи Кенгесига тумандан сайланган депутатлар, ҳоким ўринбосарлари, ҳокимлик масъул ходимлари, ҳуқуқ-тартибот органлари ва бўлимлар раҳбарлари, жамоат ташкилотлари, туман Кенгаши ҳузуридаги "Жамоатчилик назорати Кенгаши” аъзолари, тижорат банклари, туман фермерлари Кенгаши, қишлоқ ва сув хўжалиги, ер ресурслари ва давлат кадастри бўлимлари, овуллар ва улар таркибидаги маҳалла фуқаролар йиғинлари, муқобил машина трактор парклари, қишлоқ хўжалигига хизмат кўрсатувчи ташкилотлар раҳбарлари, танловда қатнашиш учун ҳужжат топширган айрим фермер хўжаликлари раҳбарлари ва фуқаролар ҳамда оммавий ахборот воситалари вакиллари иштирок қилди.
Сессия котиблигига 18-"Хитой” сайлов округидан депутат Г.Бабажанов сайланди.
Сессия кун тартибига "Қорақалпоғистон Республикаси Марказий сайлов комиссияси аъзолигига номзод тавсия қилиш тўғрисида”ги ва "Амударё туманида фермер хўжаликлари тасарруфидаги ер майдонлари участкалари ҳажмларини мақбуллаштириш ва янгидан фермер хўжаликларини ташкил этиш бўйича амалга оширилаётган ишлар тўғрисида”ги масалалар ҳавола қилинди.
Депутатлар "Қорақалпоғистон Республикаси Марказий сайлов комиссияси тўғрисида”ги Қорақалпоғистон Республикаси Қонунининг 3-моддасига асосан Марказий сайлов комиссиясининг аъзолигига Туямўйин-Нукус минтақалараро сув қувуридан фойдаланиш бошқармаси Манғит шаҳар сув тармоқлари корхонаси бошлиғи Каримов Икром Эркиновичнинг номзоди тавсия қилдилар.
Кун тартибидаги иккинчи масала бўйича туман қишлоқ ва сув хўжалиги бўлими бошлиғи, Қорақалпоғистон Республикаси Жўқорғи Кенгеси депутати, "Жамоатчилик назорати Кенгаши” аъзоси, Амударё туманида фермер хўжаликлари тасарруфидаги ер майдонлари участкалари ҳажмларини мақбуллаштириш бўйича ишчи гуруҳи раҳбари ўринбосари Анвар Юлдашев ахборот берди.
Ахборотда "Қишлоқ хўжалигида иқтисодий ислоҳотларни чуқурлаштириш бўйича Республика комиссиясининг 2015 йил 21 октябрдаги "Фермер хўжаликларининг ер участкаларидан самарали фойдаланиш, қишлоқ хўжалик маҳсулотлари ишлаб чиқаришни янада кўпайтириш, фермерларнинг молиявий ҳолатини янада яхшилаш мақсадида уларнинг ер участка ҳажмларини мақбуллаштириш юзасидан қўшимча чора-тадбирлар тўғрисида”ги 01-03-13-12-сонли йиғилиш баёни топшириқларининг ижроси бўйича атрофлича маълумот берилди.
Музокаралардан кейин депутатлар туман ҳокимлиги ер заҳира фонди ҳисобидаги ер участкаларида фермер хўжаликлари ташкил қилиш учун танлов комиссиясига ҳужжат топширган талабгорлар билан савол-жавоб қилиб, уларнинг танловда иштирок этишларига рухсат бердилар.
Кун тартибидаги масалалар бўйича туман Кенгашининг тегишли қарори қабул қилинди ва шунинг билан сессия ўз ишини якунлади.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
