ХАЛҚ ДЕПУТАТЛАРИ ТУМАН КЕНГАШНИНГ СЕССИЯЛАРИ ЎТКАЗИЛДИ
2015 йил 1, 2 ва 3 ноябрь кунлари халқ депутатлари туман Кенгашининг навбатдаги 8-, 9- ва 10-сессиялари бўлиб ўтди.
Сессияларга халқ депутатлари туман Кенгаши Регламентининг 16-моддасига мувофиқ туман ҳокими топшириғига асосан 24-"Оқ олтин” сайлов округидан депутат Р.Уразбаев раислик қилди.
Сессияларда туман Кенгаши депутатлари, ҳоким ўринбосарлари, ҳокимлик масъул ходимлари, ҳуқуқ-тартибот органлари ва бўлимлар раҳбарлари, жамоат ташкилотлари, туман Кенгаши ҳузуридаги "Жамоатчилик назорати Кенгаши” аъзолари, тижорат банклари раҳбарлари, туман фермерлари Кенгаши, қишлоқ ва сув хўжалиги, ер ресурслари ва давлат кадастри бўлимлари, муқобил машина трактор парклари, қишлоқ хўжалигига хизмат кўрсатувчи ташкилотлар раҳбарлари, фермер хўжаликлари раҳбарлари ҳамда оммавий ахборот воситалари вакиллари иштирок этдилар.
Сессиялар кун тартибида "Қишлоқ хўжалигида иқтисодий ислоҳотларни чуқурлаштириш бўйича Республика комиссиясининг 2015 йил 21 октябрдаги "Фермер хўжаликларининг ер участкаларидан самарали фойдаланиш, қишлоқ хўжалик маҳсулотлари ишлаб чиқаришни янада кўпайтириш, фермерларнинг молиявий ҳолатини янада яхшилаш мақсадида уларнинг ер участка ҳажмларини мақбуллаштириш юзасидан қўшимча чора-тадбирлар тўғрисида”ги 01-03-13-12-сонли йиғилиш баёни топшириқларининг туман ҳокими, туман прокурори ва туман ички ишлар бўлими бошлиғи ҳудудларида ижроси тўғрисида”ги ва "Тумандаги фермер хўжаликларининг таъминотчи ва хизмат кўрсатувчи корхоналар олдидаги кредиторлик қарзларини тўлиқ хатловдан ўтказиш ва қисқартириш бўйича амалга оширилаётган ишлар тўғрисида”ги масалалар кўриб чиқилди.
Кун тартибидаги масалалар бўйича туман қишлоқ ва сув хўжалиги бўлими бошлиғи, Қорақалпоғистон Республикаси Жўқорғи Кенгеси депутати, "Жамаотчилик назорати” Кенгаши аъзоси, Амударё туманида фермер хўжаликлари тасарруфидаги ер майдонлари участкалари ҳажмларини мақбуллаштириш бўйича ишчи гуруҳи раҳбари ўринбосари А.Юлдашев ва туман иқтисодиёт бўлими бошлиғи А.Юсуповлар ахборот берди.
Депутатлар пахтачилик ва ғаллачиликка, чорвачилик ва боғдорчиликка ихтисослашган, ер участкаларидан, сув ва бошқа моддий-техника ресурсларидан самарали ва мақсадли фойдаланмаган, контрактация шартномаларини бажармаган, қарздорлиги ошиб кетган фермер хўжаликлари билан ер ижара шартномаларини бекор қилиш бўйича таклифларни маъқулладилар.
Шунингдек, махсус ишчи гуруҳга фермер хўжаликларининг ер майдонлари участкалари ҳажмларини мақбуллаштиришда, талабгорларни танлаб олишда холислик, ошкоралик ва очиқлик тамойилларига қатъий риоя қилиш вазифаси юклатилди.
Сессияда фермер хўжаликларининг дебиторлик ва кредиторлик қарзларини камайтириш ҳамда тўлов интизомини мустаҳкамлаш бўйича амалга оширилаётган ишлар бўйича ҳам ахборот берилди.
Музокараларда 14-Пахтакор сайлов округидан депутат, туман Фермерлар Кенгаши раиси, "Жамоатчилик назорати” Кенгаши аъзоси О.Курбаниёзов, 4-Дўстлик сайлов округидан депутат, туман Кенгаши доимий комиссияси раиси М.Казаков, 12-Арна бўйи сайлов округидан депутат, туман Кенгашининг Аграр, сув хўжалиги масалалари ва экология бўйича доимий комиссияси раиси Т.Бобониёзов ва бошқалар иштирок этдилар.
Кун тартибидаги масалалар бўйича тегишли қарорлар қабул қилинди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
