Аёллар — давлат ҳимоясида
Жамиятнинг мустаҳкам таянчи, оилаларнинг файзи ва фариштаси бўлган хотин-қизларни ҳар томонлама қўллаб-қувватлаш, уларнинг ҳуқуқ ҳамда қонуний манфаатларини таъминлаш бугунги куннинг энг устувор вазифалари саналади. Хусусан, Амударё тумани ҳудудида хотин-қизлар ўртасида турли хил ҳуқуқбузарлик ва жиноятларнинг барвақт олдини олиш, уларнинг жамиятдаги ижтимоий-сиёсий ҳамда ҳуқуқий фаоллигини янада ошириш мақсадида кенг кўламли тарғибот ва ташвиқот ишлари олиб борилмоқда. Яқинда туманнинг Олмазор маҳалласи ҳудудида жойлашган «Келажак маскани» биносида мазкур йўналишдаги навбатдаги тадбир бўлиб ўтди.
«Аёллар давлат ҳимоясида» шиори остида ташкил этилган ушбу йиғилиш, аввало, хотин-қизларнинг ҳуқуқий онгини юксалтиришга, уларнинг ўз ҳақ-ҳуқуқларини чуқурроқ англаб етишларига қаратилгани билан ғоят аҳамиятлидир. Ушбу очиқ мулоқот майдонида маҳалланинг кўча боши аёллари ҳамда ҳудуднинг ижтимоий ҳаётида бефарқ бўлмаган, ташаббускор ва фаол хотин-қизлар иштирок этишди. Самимий руҳда ўтган учрашув давомида барча иштирокчилар ўзларини қийнаётган турли масалалар юзасидан мутасаддиларга юзланиб, қизиқтирган саволларига атрофлича жавоблар олишга муваффақ бўлдилар.
Таъкидлаш жоизки, масъулларнинг эътибори фақатгина йиғилиш ва давра суҳбатларини ўтказиш билан чекланиб қолмади. Амалий ишлар кўлами янада кенгайтирилиб, хонадонма-хонадон юриш тизими орқали манзилли ўрганишлар ҳам олиб борилди. Жумладан, маҳалладаги «Аёллар дафтари»нинг 5-тоифасига киритилган, кўмакка муҳтож бўлган хотин-қизларнинг уйларига бевосита ташриф буюрилиб, ҳолидан хабар олинди.
Мутасадди ташкилотлар вакиллари томонидан аёлларнинг яшаш ва турмуш шароитлари, оилавий муҳит ва шахсий муаммолари яқиндан, индивидуал тарзда ўрганилиб, таҳлил қилинди. Бундай эътибор ва ғамхўрлик натижасида ушбу тоифадаги аёлларга зарур бўлган барча ҳуқуқий ёрдамлар, керакли маслаҳат ва тўғри йўл-йўриқлар жойининг ўзидаёқ бериб борилмоқда. Бу эса, ўз навбатида, мавжуд муаммоларнинг янада чуқурлашиб кетишининг олдини олишга ҳамда аёлларнинг ҳаётдан рози бўлиб яшашларига мустаҳкам замин яратмоқда.
Бугунги кунда кўплаб фуқароларни ташвишга солаётган ва жамият ривожига ўзининг салбий таъсирини кўрсатиши мумкин бўлган энг долзарб масалалардан бири бу оиладаги ўзаро келишмовчилик ва турли хил низоли ҳолатлардир. Ташкил этилган мазкур профилактик ва тушунтириш ишлари давомида айнан мазкур нозик жиҳатларга алоҳида урғу бериб ўтилди. Ҳар бир оила жамиятнинг энг муҳим ва муқаддас бўғини эканлиги, оиладаги тинчлик, тотувлик ва барқарорликни кўз қорачиғидек асраш нафақат шу хонадон эгалари учун, балки бутун мамлакат фаровонлиги учун муҳимлиги қайд этилди.
Шунингдек, юзага келадиган ҳар қандай мураккаб ва зиддиятли вазиятда фуқаролар асло ёлғиз эмаслиги, ҳар бир оила ва ҳар бир инсон доимий равишда давлатнинг ҳимоясида ва эътиборида эканлиги яна бир бор кенг жамоатчиликка тушунтирилди.
Хулоса ўрнида шуни айтиш мумкинки, Амударё туманида хотин-қизларни ҳар томонлама қўллаб-қувватлаш ва оилаларда соғлом, барқарор турмуш тарзини қарор топтириш борасида изчиллик билан олиб борилаётган бу каби амалий саъй-ҳаракатлар тез орада ўзининг ижобий натижасини беради ва жамиятимизда жиноятчилик ва ҳуқуқбузарликларнинг кескин камайишига, аёлларнинг жамиятда ижтимоий фаоллиги ортишига бевосита хизмат қилади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
