IJODKOR ONAXONNING YoShLAR BILAN UChRAShUVI BOʻLIB OʻTDI
Yurtimizda keyingi yillarda inson qadr-qimmati yuksak tutilayotgani ularga maʼnaviy kuch baxsh etayotir. Ayniqsa, adabiyot, madaniyat, sanʼat sohasida umr boʻyi mehnat qilib, ulkan hayotiy tajriba toʻplagan faxriylar bilan yoshlarning uchrashuvlari oʻtkazilayotgani, ularning bosib oʻtgan hayot yoʻli ibrat qilib koʻrsatilayotgani yoshlarda ulkan taassurotlar qoldirayapti, elning munosib farzandlari boʻlib ulgʻayishga ragʻbatlantirayapti.
Yaqinda tuman Madaniyat va turizm boʻlimi tashabbusi bilan boʻlim tomoshalar zalida elimizning taniqli farzandi, ijodkor, sanʼatkor, maʼnaviyat targʻibotchisi Jumagul Yunusovaning tumanimiz yoshlari bilan uchrashuvi boʻlib oʻtdi.
“Qoraqalpogʻistonda xizmat koʻrsatgan madaniyat xodimi” Gulmirza Nurmatov, jurnalist, “Barkamol avlod” bolalar maktabi direktori, “Qoraqalpogʻistonda xizmat koʻrsatgan madaniyat xodimi” Xonimjon Rajabova, Qoraqalpogʻiston xalq oʻqituvchisi, 40-sonli maktab direktori Sanobar Xoʻjamurodovalar, shuningdek, Jumagul Yunusova bilan hammaslak madaniyat va maʼnaviyat sohasi faxriylari, sanʼatkorlar, yoshlar ishtirok etdilar.
Tadbirda kasb-hunar bilim yurtida oʻqituvchi, tuman Maʼnaviyat va maʼrifat boʻlimi rahbari, mahalla xotin-qizlari yetakchisi kabi masʼul lavozimlarda ishlash bilan bir qatorda “Chovdir masxaraboz” qoʻgʻirchoq teatrini tashkil etgan va faoliyatini yuritgan Jumagul Yunusovaning tarjimai holi oʻqib ettirildi. Sanʼatkor onaxon bilan bir safda mehnat qilgan faxriylar, taʼlim sohasi fidoyilari soʻzga chiqib, Jumagul Yunusovaning serqirra faoliyatiga yuksak baho berdilar. Ilk kitobini mushtariylar hukmiga havola etgan, ikkinchi – “Sogʻinch” nomli sheʼriy toʻplami nashrga tayyoranayotgan, ayni kunda taqdir taqozosiga koʻra Toshkent viloyatida istiqomat qilayotgan Jumagul Yunusova soʻzga chiqib, oʻziga koʻrsatilayotgan hurmat-eʼtibor uchun barchaga, tadbir tashkilotchilariga chuqur minnatdorchilik bildirdi va ayni kundagi ijodiy ishlari haqida gapirib berdi.
Tadbir tumanimiz sanʼatkorlari ijrosidagi dilrabo kuy-qoʻshiqlar bilan davom etdi. Sanʼatkor, ijodkor, maʼnaviyat fidoyisi, keksayganida ham jamiyat hayotida faol, ijoddan charchamaydigan Jumagul Yunusovaning yoshlar bilan uchrashuvi barchada yorqin taassurotlar qoldirdi.
Sevara ISMOILOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
