Hayotni sevib yashang!
Hayot goʻzal, yashamoq totli. Ota-ona bagʻrida ularning mehr ummonidan bahramand boʻlib, bexavotir, betashvish yashash, maktabda doʻstlar bilan oʻtadigan begʻubor damlar qanchalar qadrli! Yoki dars mashgʻulotlarida olgan bilimlaringni namoyish etib, ustozdan olqish olish-chi? Yaqin-qarindoshlar, doʻstlar diydorining bahosi bormi?
Aslini olganda hayotning har lahzasi goʻzal ekanligini, uning gʻanimatligini anglab va qadrlab yashamoq lozim. Buni oʻsib kelayotgan yosh avlodga singdirish maqsadida umumiy oʻrta taʼlim muassasalarida koʻplab turli tadbirlar oʻtkaziladi.
Men joriy yilning 28-aprelida oʻzim faoliyat yuritayotgan 32-sonli maktabda shu maqsadga xizmat qiluvchi “Hayot goʻzal, yashash uchun 1001 sabab” nomli aktsiya oʻtkazdim.
Aktsiyaga maktabimizning 6-sinf oʻquvchilarini qamrab olib, har bir oʻquvchiga mavzuga doir tushunchalarini sanab yozishini topshirdim. Bolalar hayot goʻzalligini sanagan sabablarini oʻzlari oʻqib berdilar va bu borada jami oʻquvchilarning tushunchalari kengayishiga erishdim. Keyinchalik tabiat qoʻynida art terapeya va kayfiyatni koʻtaruvchi mashgʻulotlar oʻtdim.
Aktsiya doirasida “Men seni sevaman, hayot!” deb nomlangan rasmlar tanlovi oʻtkazib, gʻoliblarni oʻquvchilar bilan birgalikda aniqladim va bolalarni ahillashtiruvchi mashgʻulotlar oʻtdim. Bulardan oʻquvchilarim ulkan mativatsiya olishdi.
Tadbir davomida oʻquvchilarning kayfiyati koʻtarilib, hayot, yashash, tiriklik qadri borasidagi tushunchalari kengaygani koʻz qarashlaridan sezilib turdi. Mening ham mashgʻulotimdan koʻnglim toʻldi va yanada gʻayrat bilan ishlashga ahd qildim.
Hayotni sevib yashang, shunda u qadrli tuyuladi.
Mahliyo Karimova, 32-sonli maktab amaliyotchi psixologi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
