Ҳаётни севиб яшанг!
Ҳаёт гўзал, яшамоқ тотли. Ота-она бағрида уларнинг меҳр уммонидан баҳраманд бўлиб, бехавотир, беташвиш яшаш, мактабда дўстлар билан ўтадиган беғубор дамлар қанчалар қадрли! Ёки дарс машғулотларида олган билимларингни намойиш этиб, устоздан олқиш олиш-чи? Яқин-қариндошлар, дўстлар дийдорининг баҳоси борми?
Аслини олганда ҳаётнинг ҳар лаҳзаси гўзал эканлигини, унинг ғаниматлигини англаб ва қадрлаб яшамоқ лозим. Буни ўсиб келаётган ёш авлодга сингдириш мақсадида умумий ўрта таълим муассасаларида кўплаб турли тадбирлар ўтказилади.
Мен жорий йилнинг 28 апрелида ўзим фаолият юритаётган 32-сонли мактабда шу мақсадга хизмат қилувчи “Ҳаёт гўзал, яшаш учун 1001 сабаб” номли акция ўтказдим.
Акцияга мактабимизнинг 6-синф ўқувчиларини қамраб олиб, ҳар бир ўқувчига мавзуга доир тушунчаларини санаб ёзишини топширдим. Болалар ҳаёт гўзаллигини санаган сабабларини ўзлари ўқиб бердилар ва бу борада жами ўқувчиларнинг тушунчалари кенгайишига эришдим. Кейинчалик табиат қўйнида арт терапея ва кайфиятни кўтарувчи машғулотлар ўтдим.
Акция доирасида “Мен сени севаман, ҳаёт!” деб номланган расмлар танлови ўтказиб, ғолибларни ўқувчилар билан биргаликда аниқладим ва болаларни аҳиллаштирувчи машғулотлар ўтдим. Булардан ўқувчиларим улкан мативация олишди.
Тадбир давомида ўқувчиларнинг кайфияти кўтарилиб, ҳаёт, яшаш, тириклик қадри борасидаги тушунчалари кенгайгани кўз қарашларидан сезилиб турди. Менинг ҳам машғулотимдан кўнглим тўлди ва янада ғайрат билан ишлашга аҳд қилдим.
Ҳаётни севиб яшанг, шунда у қадрли туюлади.
Маҳлиё Каримова, 32-сонли мактаб амалиётчи психологи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
