KEKSALARNING ROHAT-FAROGʻATDA YaShASh HUQUQI KAFOLATLANGAN
Respublikamizda keksa avlod vakillariga boʻlgan eʼtibor, ularni har tomonlama ijtimoiy va iqtisodiy qoʻllab-quvvatlash doimo davlatimizning diqqat markazida turibdi.
Moliya Vazirligi huzuridagi byudjetdan tashqari Pensiya jamgʻarmasi Amudaryo tuman boʻlimida barcha toifadagi fuqarolarning pensiya olish huquqini taʼminlash maqsadida samarali ishlar amalga oshirilmoqda. Tumanimizda 2022-yil 1-noyabr holatiga jami pensiya, ijtimoiy nafaqa oluvchi fuqarolar 25914 nafarni tashkil etgan boʻlsa, shundan yoshga doir pensiya oluvchilar 18619 nafar, nogironlik boʻyicha pensiya oluvchilar 2598 nafar, boquvchisini yoʻqotganlik pensiyasini oluvchilar 1146 nafarni tashkil etadi. Ayni paytda tumanimizda pensiya tayinlash uchun zarur ish stajiga ega boʻlmagan qariyalar va zarur ish staji boʻlmagan boquvchisini yoʻqotgan 3476 nafar fuqarolar ijtimoiy nafaqa bilan qamrab olingan.
Bundan tashqari, Prezidentimizning 2022-yil 19-sentyabrdagi Farmoni bilan 2023-yil 1-yanvardan boshlab, yuqori ish haqi hisobidan pensiyaga chiqqan fuqarolarimizga munosib pensiya miqdorini belgilash orqali ijtimoiy adolat printsipini qaror toptirish maqsadida ushbu pensiyani hisob-kitob qilish uchun ish haqining maksimal miqdorini pensiyani hisoblash bazaviy miqdorining oʻn baravaridan oʻn ikki baravarigacha oshirilishi ham belgilandi. Bu esa Oʻzbekistonda mehnatkash insonning qadr-qimmatini yanada oshirish, keksaygan chogʻida rohat-farogʻatda yashash va oʻz konstitutsiyaviy huquqlaridan samarali foydalanish imkonini yaratadi.
Qadam ISMOILOV,
Byudjetdan tashqari Pensiya jamgʻarmasi tuman boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
