Senator qishloq xoʻjaligi hamda tibbiyot sohasida Amudaryo tumanida amalga oshirilayotgan ishlar bilan tanishdi
30-mart kuni Amudaryo tumaniga Oʻzbekiston Respublikasi Oliy Majlisi Senatining yigirma toʻrtinchi yalpi majlisida qabul qilingan qonun hujjatlarining mazmun-mohiyatini tushuntirish hamda jamoatchilik nazoratini yoʻlga qoʻyish boʻyicha Oʻzbekiston Respublikasi Oliy Majlisi Senatining Orolboʻyi mintaqasini rivojlantirish masalalari qoʻmitasi raisi oʻrinbosari, senator Botir Matmuratov tashrif buyurdi.
Tuman hokimligining majlislar zalida boʻlib oʻtgan yigʻilishdan soʻng senator tegishli sohalar mutasaddilari hamrohligida Oq oltin ovuli hududidagi qishloq oilaviy poliklinikasiga tashrif buyurib, tibbiyot xodimlari bilan suhbatlashdi.
Suhbat davomida senator mazkur qishloq oilaviy poliklinikasi tomonidan Oq oltin ovulida istiqomat qiluvchi 8 ming 939 nafar aholiga tibbiy xizmat koʻrsatish sifatini yaxshilash maqsadida tashkil etilayotgan ishlar bilan yaqindan tanishdi.
Qishloq oilaviy poliklinikasi aholiga birlamchi tibbiy-sanitariya yordami koʻrsatishni yanada yaxshilash, kasalliklar profilaktikasi, aholi oʻrtasida sogʻlom turmush tarzi va sanitariya-gigiyenik madaniyatni targʻib qilish borasida samarali ish olib bormoqda. Ayniqsa, aholi, birinchi navbatda fertil yoshidagi ayollar va homilador ayollar, bolalar, shuningdek oʻzgalar yordami va ijtimoiy himoyaga muhtoj yolgʻiz keksalar, nogironligi boʻlgan shaxslar, surunkali kasalliklarga chalingan bemorlar orasida patronaj ishlarini muntazam olib borish borasida sezilarli natijalarga erishilmoqda. Shifoxonaga yotqizish, kasalliklarga chalinish va nogironlik darajasining pasayishi, ayniqsa aholining koʻrsatilayotgan tibbiy xizmat sifatidan qoniqishi tibbiyot xodimlari faoliyati samaradorligi nechogʻli yuqori ekanidan dalolat beradi.
Ayni kunlarda aholini karonavirusga qarshi Buster doza bilan emlash ishlari ham samarali yoʻlga qoʻyilgan.
Senator tibbiyot xodimlari bilan suhbatda Prezidentimizning 15-mart kuni tibbiyot xodimlari bilan oʻtkazgan ochiq muloqoti davomida tibbiyot sohasini rivojlantirish boʻyicha belgilab bergan vazifalari hamda dolzarb masalalar haqida toʻxtalib, shifokorlarning sharafli, shu bilan birga mashaqqatli ishlarida omad tiladi.
Shundan keyin mehmonlar Toʻlqin ovuli hududida joylashgan “Amu sohili” chorvachilik fermer xoʻjaligiga tashrif buyurdi.
Senator Botir Matmuratov fermer xoʻjaligida amalga oshirilayotgan ishlar bilan yaqindan tanishib, sohani yanada rivojlantirishga oid qabul qilinayotgan qonunlar aqida tushunchalar berdi.
Uchrashuv davomida tuman hokimi oʻrinbosari Islom Matkarimov Oʻzbekiston Respublikasi Prezidentining 2022-yil 1-mart kungi “Qishloq xoʻjaligida suvni tejaydigan texnologiyalarni joriy etishni yanada takomillashtirish chora-tadbirlari toʻgʻrisida”gi qaroriga asosan tumanda, xususan mazkur fermer xoʻjaligida amalga oshirilayotgan ishlar haqida keng turda maʼlumot berdi.
Qayd etilganidek, hozirgi kunda tumanda cuv resurslaridan foydalanish mexanizmlarini tubdan isloh qilish, ulardan oqilona va samarali foydalanish maqsadida jami 2 ming 630 gektar maydonga suvni tejovchi texnologiyalar joriy etilgan. Shundan 250 gektar gʻalla maydonlariga yomgʻirlatib sugʻorish texnologiyalarini joriy qilish boʻyicha taʼminotchilar bilan shartnomalar tuzilgan.
Bugungi kunda tumanimizda gʻallachilik sohasida “Qipchoq g‘alla klaster” hamda “Amu Rich Xarvest” masʼuliyati cheklangan jamiyatlari klaster usulida faoliyat yuritib kelmoqda.
Senator Botir Matmuratov tumanimizda qishloq xoʻjaligi sohasida amalga oshirilayotgan ishlar alohida eʼtirofga loyiq ekanligini taʼkidladi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
