UMIDLI SPORTÇILAR

Yurtimizda  keyingi  yillarda  yoşlarning maʼnan yetuk, jismonan baquvvat bölib kamol topişi uçun köplab imkoniyatlar yaratildi. Bunga misol qilib, sportning ommaviyligini taʼminlaş borasida olib borilayotgan saʼy-harakatlarni ham aytişimiz mumkin. 

Buni tumanimizdagi Bolalar-ösmirlar sport maktabi  tögaraklarida şuğullanayotgan yoş sport-çilar yutuqlarida ham körişimiz mumkin. Şu maktab tarbiyalanuvçisi    Fazliddin  Tojiniyozov  sportning karate  turi böyiça  köpgina  musobaqalar  ğolibi. U  özining iqtidori va qobiliyati bilan  tengdoşlaridan ajralib turadi.  Sakkiz yoşida   tuman  Bolalar-ösmirlar sport maktabining karate guruhiga qatnay boşladi.  Ustozi, karate sporti böyiça Qora belboğ sohibi Adham Ibragimov Fazliddinda sportning bu turiga bölgan  qiziqiş juda kuçli ekanligini sezgaç, unga jiddiy  eʼtibor beradigan, u bilan alohida şuğullanadigan böldi. Murabbiyidan olgan saboqlari samarasi hademay Fazliddinning yutuqlarida aks eta boşladi.

Bugungi kunda tumanimizdagi 64-sonli umumiy örta taʼlim maktabining 7-sinfida taʼlim olayotgan  Fazliddin  25 ta diplom, 9 ta oltin, 4 ta kumuş, 6 ta bronza medallar sohibi. U  ötgan yilning 16-19-sentyabr kunlarida Toşkent şahrida Özbekiston Respublikasi kubogi uçun ösmirlar, bolalar va kattalar örtasida ötkazilgan musobaqada birinçi örinni egallab, oltin medal, 24-sentyabrda Toşkent şahri karate akademiyasi kubogi  uçun ötkazilgan musobaqada ham birinçi örinni egallab, oltin medal bilan taqdirlandi.

Fazliddin kabi A.Ibragimovdan  karate sirlarini örganib, nufuzli musobaqalarda ğolib bölayotgan yoş sportçilar    talaygina.  Şulardan Qunduzoy Qöşnazarova 3 karra Qoraqalpoğiston çempionati va kubogi  ğolibasi.  U 2019-yil Bolalar-ösmirlar örtasida ötkazilgan Özbekiston kubogi va xalqaro  turnirlar sovrindori. 2021-yil sentyabrda qizlar örtasida ötkazilgan Özbekiston kubogi musobaqasida   faxrli 2-örinni egalladi. Uluğbek Otajonov ham 4 karra Qoraqalpoğiston çempioni.

Davlatimiz tomonidan yaratilgan imkoniyatlardan samarali foydalanib kelayotgan yoş sportçilardan biri Zilola  Salayevadir. U yoş bölişiga qaramay, Yoşlar agentligi tuman bölimi qoşida taşkil etilgan gimnastika tögaragida tajribali murabbiy  Mohira Berdiboyeva  rahbarligida  şuğullanib kelayapti.

Zilola Manğit şahridagi 7-sonli maktabgaça taʼlim taşkiloti tarbiyalanuvçisi.  Bir qaraganda qizaloq tengdoşlaridan farq qilmaydigandek. U ham boşqa bolalar kabi quvnoq.  Boğçadagi  sport tögaraklardagi  maşqlar uning jon-u dili.

U joriy yilda Nukus şahar 1-sonli Bolalar-ösmirlar sport maktabi  oçiq birinçiligida faxrli 3-örinni,  Samarqand şahrida “Sportni sev, sport bilan yaşa” şiori ostida ötkazilgan musobaqada faxrli 2-örinni egalladi va diplom,  sovğalar bilan taqdirlandi, Beruniy tumanida ötkazilgan “Gimnastika malikalari” deb nomlangan musobaqada esa faxrli 1-örinni egallab, “Gimnastika malikasi” degan nomga sazovor böldi.

Mitti qizaloqning orzulari esa yanada yuksak.

Biz istiqbolga dadil intilayotgan umidli yoş sportçilarga kelgusida ham ulkan muvaffaqiyatlar tilab qolamiz.

Sevara  ISMOILOVA, QDU talabasi.