Sanʼatsevar yoshlar
Sanʼat – mashaqqatli mehnat, tinimsiz mashq va takrorlashni talab qiladigan murakkab soha. Keyingi yillarda sanʼat sohasiga mehr qoʻyib, uni puxta egallashga intilayotgan yoshlar safi tobora ortayotgani kishini quvontiradi.
82-sonli maktabning 8-sinf oʻquvchisi T.Sobirov va 5-sinf oʻquvchisi S.Yoʻldoshevlar ham musiqa, sanʼat olamiga dadil kirib kelayotganlardan.
Joriy yil 17-may kuni tumanimizda “Yoshlarni qoʻllab-quvvatlash va aholi salomatligini mustahkamlash yili” munosabati bilan oʻtkazilgan “Yangi isteʼdodlar” koʻrik-tanlovida estrada yoʻnalishida faol qatnashdilar. Tanlovning hududiy bosqichida gʻolib boʻlgan T.Sobirov tuman bosqichida ham muvaffaqiyatli ishtirok etib, 2-oʻrinni egalladi. S.Yoʻldoshev esa faol ishtiroki uchun ragʻbatlantirildi. Ular tuman Madaniyat boʻlimining Faxriy yorligʻi va esdalik sovgʻalari bilan taqdirlandi.
Hozirda ular “Barkamol avlod” bolalar maktabida sanʼat yoʻnalishidagi toʻgarakda ustoz-murabbiylaridan taʼlim olmoqdalar.
Oʻqishda ham oʻz faolligini koʻrsatib kelayotgan bu ikki nafar oʻquvchi maktabdoshlariga oʻrnak boʻlishmoqda.
– Ularga kelgusida ham butun imkoniyatlarni ishga solib, sanʼat sir-asrorlarini oʻrgatishga tayyorman, – deydi “Barkamol avlod” bolalar maktabida estrada yoʻnalishida taʼlim berayotgan ustozlaridan biri Sh.Xudoyberganov.
Yurtimizda iqtidorlilar safi yana ham kengayaverishini tilab qolamiz.
Sevara ISMOILOVA, QDU talabasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
