“NAVOIY YoDI ILA YaŞAYMIZ MUDOM” MAVZUSIDA ADABIY-MUSIQIY TADBIR ÖTKAZILDI

Ona tilimizga muhabbat, uning beqiyos boyligi va buyukligina anglaş, tuyğusi bizning ong-u şuurimizga eng avvalo adabiyot, adabiy til orqali kirib keladi. Taʼbir joiz bölsa, nafaqat özbek xalqi, balki barça turkiy tilli xalqlar ham adabiyotni, öz tillari jarangini Navoiyning betakror asarlari orqali anglab olgan bölsalar ne ajab! Alişer Navoiyning bebaho merosidan bugungi kunda butun dunyo xalqlari maʼnaviy oziq olib, jamiyatda ezgu insoniy fazilatlarni kamol toptirişda qudratli maʼnaviy qurol sifatida  foydalanayotganlari bejiz emas.

Çindan ham, Navoiyning qay bir asarini mutolaa qilsak, bu bebaho bitiklarda insoniy tuyğular, ezgu fazilatlar, obodonçilik va bunyodkorlik haqidagi fikrlar mujassamlaşganini anglaymiz.

Tumanimizdagi 70-sonli umumtaʼlim maktabida buyuk bobokalonimiz tavalludining 580 yilligi munosabati bilan taşkillaştirilgan “Navoiy yodi ila yaşaymiz mudom” deb nomlangan adabiy-badiiy musiqiy tadbirda öquvçi-yoşlar buyuk Navoiy haqida faxrlanib sözladilar. Navoiy dahosiga çeksiz ehtirom ruhida ötgan tadbirni maktabning özbek tili va adabiyoti fani öqituvçilari Rayhon Jumaniyozova, Sitimmat Örozboyev, Tozagul Örinboyeva hamda Yulduzxon Qodirovalar özaro hamkorlikda tayyorladilar.

Alişer Navoiy ijodi, hayoti va faoliyatining barça qirralarini özida mujassam etgan adabiy-badiiy keçada, avvalo, öquvçi-yoşlar Navoiyning bolaligi, ilk şeʼriy misralari xususidagi sahna körinişlarini namoyiş etib, şoir ğazallarini, ruboiy, masnaviy va tuyuqlarini ifodali öqib berdilar.

Şunisi eʼtiborga molikki, öquvçi-yoşlar şoirning har bir ğazali, ruboiy hamda tuyuqlarining mazmuni, maʼnosini şarhqlab, Navoiy asarlaridan olgan taassurotlarini, xulosalarini bayon qildilar.

Adabiy-badiiy keçaning  eng qiziqarli qismi savol-javoblar, Navoiy asarlari, hikmatlari asosida tuzilgan boşqotirmalar ustida işlaş böldi. Bu boşqotirmalarni yeçişda maktabning barça qiziquvçi öquvçilari iştirok etişdi. Eng topqir, Navoiy asarlarining bilimdonlarini aniqlaş maqsadida sinflararo bellaşuvlar ötkazildi. Uşbu bellaşuvda nafaqat yuqori sinflar öquvçilari, balki Navoiy ijodiga qiziquvçi barça yoşlar iştirok etişdi. Bellaşuv iştirokçilari talqinidagi “Navoiy va Lutfiy”, “Navoiy va Husayn Boyqaro” “Alişer Navoiy davlat arbobi”, “Navoiy va Guli” kabi kiçik sahna körinişlari barçaga zavq-şavq bağişladi.

Şuningdek, tadbirda öquvçilar uluğ Hazrat Navoiyning yurt tinçligi, Vatan obodligi, xalq farovonligi uçun yoşlarni bilim olişga, mehnatsevarlikka daʼvat etib, bu komillikka  eltadigan yöl körsatuvçi asarlaridan parçalar öqişdi. Yoşlarni bilim olişga, hunar egallaşga daʼvat etuvçi

“Yigitlikda yiğ ilmning maxzani,

Qariliğ çoği sarf qilğil ani” misralarini jör bölib öqidilar va barça tengdoşlarini ilm örganişga, kasb-kor egallaşga daʼvat etdilar.

“Navoiy yodi ila yaşaymiz mudom” mavzusida ötkazilgan uşbu adabiy-badiiy musiqiy tadbirda öquvçilar Navoiy ğazallari bilan aytiladigan maqom aşulalaridan parçalar kuylab, raqsga tuşdilar.

Tadbir barçada zavqli taassurot uyğotib, har bir qalbda uluğ Navoiy dahosiga ehtirom tuyğusi yanada jöş urdi.

Robiya YÖLDOŞEVA.