AMUDARYo TUMANIDA AVTOMOBILLARGA SIQILGAN TABIIY GAZ QUYISh ShOXOBChASI ISh BOShLADI
«Jayxun mobil gaz» masʼuliyati cheklangan jamiyatiga qarashli avtomobillarga siqilgan tabiiy gaz, yaʼni metan quyish shoxobchasi tashkil etilib, oʻz faoliyatini boshladi. Mazkur shoxobchani bunyod etish uchun qurilish-jihozlash ishlari hamda dastlabki xom ashyo zahirasini yaratish maqsadida 3 mlrd. 700 mln soʻmlik tadbirkorning oʻz mablagʻi va imtiyozli bank kredit mablagʻlari yoʻnaltirildi. Shoxobchaning qurilish-taʼmirlash ishlari, shuningdek, ofis jihozlari uchun jami 640 mln. 326 ming soʻmdan ziyod mablagʻ sarflandi.
Ayni paytda shoxobcha toʻliq ishga tushirilib, avtomobillarga metan-gaz quyish ishlari sifatli amalga oshirilmoqda. Shunisi eʼtiborga molikki, mazkur tadbirkorlik subʼekti ishga tushirilishi munosabati bilan 20 nafar yurtdoshimiz ish bilan taʼminlandi.
Joriy yilning 20-noyabr sanasida «Jayxun mobil gaz» msʼuliyati cheklangan jamiyatiga qarashli avtomobillarga siqilgan tabiiy gaz quyish shoxobchasining ochilish marosimiga bagʻishlangan tadbir boʻlib oʻtdi. Unda tuman hokimining oʻrinbosarlari Rashid Salayev hamda Mahmud Shermetovlar ishtirok etishib, mamlakatimizda, shu barobarida tumanimizda xizmat koʻrsatish va servis sohasida amalga oshirilayotgan ishlar haqida batafsil toʻxtalib oʻtishdi. Shoxobcha rahbari Davronbek Tojimurodov mijozlarga xizmat koʻrsatish hamda ishchilar uchun yaratilgan shart-sharoitlar haqida marosim ishtirokchilariga maʼlumotlar berib oʻtdi.
Tumanimizda ish boshlagan mazkur shoxobcha ham Amudaryo tumanida kun sayin soni oshib borayotgan avtotransport vositalarining yoqilgʻiga boʻlgan ehtiyojini taʼminlashga hissa qoʻshadi.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
