Hovlingiz ozodami?
Bugungi kunda hayotimizning yanada koʻrkam va farovon boʻlishi uchun eng avvalo har bir xonadonda, oilada sanitariya madaniyatini, sogʻlom turmush koʻnikmalarini shakllantirishimiz zarur. Shundagina sogʻlom turmush tarzi mustahkam qaror topib, oʻzimizni kasalliklardan himoyalagan boʻlamiz. Buning uchun oddiygina sanitariya qoidalarga amal qilsak kifoya. Sogʻlom yashab, osoyishta turmush kechirishning oʻziga xos tartib-qoidalari bor. Shunday ekan, birgalikda ish yuritib, oʻzimiz yashayotgan mahallamiz, xonadonimizni, hovlimizni toza, tartibli, goʻzal maskanga aylantiraylik. Buning uchun:
- hovlingizni oʻzingizga mos va qulay ravishda jihozlang, zamonaviy koʻrinishda boʻlsa yanada yaxshi. Demak, yashash xonalari, oshxona, tandirxona, hojatxona, molxona va tovuqxonalarni qurishda va taʼmirlashda qurilish tashkilotlari mutaxassislari bilan bamaslahat ish tuting;
- hovlidagi mavjud vodoprovod suvidan tejab foydalaning. Ichimlik suvi tashib keltiriladigan xonadonlarda ichimlik suvini qopqoqli idishlarda saqlang;
- ota-bobolarimiz hovlida chuqur qazib, har kungi chiqindilarni shu chuqurga koʻmganlar, hatto kir yuvgach, kir suvlarini oʻraga toʻkishgan. Ana shu oqilona tajribani bugungi kunda ham qoʻllasak, ayni muddao boʻlar edi;
- yuvinish joylari hovlining bir chekkasida boʻlgani maʼqul. Unga boriladigan yoʻlaklar beton yoki gʻisht bilan qoplangan boʻlishi zarur. Xonadonimiz oila aʼzolari alohida sovun, tish choʻtkasi va sochiqdan foydalanishlari lozim. Farzandlaringizni ozoda va sogʻlom turmush tarziga amal qilib yashashga oʻrgating. Tozalik va orastalikka amal qilish orqali yuqumli kasalliklarning oldini olish mumkinligini qayta va qayta tushuntiring.
Yuqorida keltirib oʻtilgan tavsiyalarga amal qilish orqali Siz oilangizda sogʻlom muhit yaratib, xonadoningiz aʼzolarini yuqumli kasalliklardan himoyalagan boʻlasiz.
Rozajon GulmOnova,
DSENM sanitariya shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
