HARBIY XIZMATChILARNING RAFIQALARI ALLA AYTISh BOʻYIChA BELLAShDILAR

Alla avlodlardan avlodlarga oʻtib, yillar oʻtgani sayin yangi maʼno-mazmun bilan boyib, sehri-jozibasi ortib borayotgan xalq ogʻzaki ijodi namunasidir.
Alla mehr-muhabbatdan har yurakda qayta tugʻiladigan umrboqiy qoʻshiq boʻlib, uning bolaga kuchli orombaxsh ruhiy taskin boʻlishini allomalar ham taʼkidlashgan.
Shu boisdan ham onalar, ayniqsa, yosh onalar orasida allaning tarbiyaviy ahamiyatidan keng foydalanishni targʻib qilish maqsadida turli tanlovlar, tadbirlar oʻtkazib kelinadi.

Shu yilning 23-fevralida Davlat xavfsizlik xizmati chegara qoʻshinlari tarkibidagi 9202 “K” harbiy qismida xizmat qilayotgan harbiy xizmatchilarning turmush oʻrtoqlari orasida alla aytish borasida “Taʼlim-tarbiya beshikdan boshlanadi” deb nomlangan koʻrik-tanlov oʻtkazildi.

Koʻrik-tanlovda ishtirokchilarning mahorati uchta shart asosida sinovdan oʻtkazildi. Ularning shartlarni qay tarzda ado etishlarini baholashda Qilichboy ovul fuqarolar yigʻini masʼul xodimlari K.Davletova, A.Yusupovalar ishtirok etdilar.

Natijalarga koʻra, faxrli birinchi oʻrinni Nigora Rashidova, ikkinchi oʻrinni Sayyora Joʻrayeva, uchinchi oʻrinni Oyjamol Tursunmurodovalar egalladilar.
Ularga tashkilotchilarning diplom va sovgʻalari topshirildi.

Rashid JANNAZAROV,
9202 “K” harbiy qism xizmatchisi.