Oʻzbekiston Ichki Ishlar vaziri oʻrinbosari Rustam Hotamov yoshlar bilan uchrashuvda bogʻdorchilikni rivojlantirish boʻyicha maslahatlar berdi
Mamlakatimizda yoshlarga oid davlat siyosatini amalga oshirish borasida soʻnggi uch yil ichida keng qamrovli ishlar olib borildi. Xususan, yoshlarning muammolarini oʻrganish, atroflicha tahlil qilish orqali ularning qiziqishlari va iqtidorlari boʻyicha ish bilan taʼminlanishlariga koʻmaklashish, yaʼni oʻzini-oʻzi band qilish tamoyiliga koʻra, hovlisi, xonadoni atrofini obodonlashtirishlari, tomorqa xoʻjaligini rivojlantirib, oʻzi va oilasining daromad manbaiga aylantirishlari uchun sharoit yaratishga alohida ahamiyat berilmoqda. Natijada soʻnggi yillar ichida nafaqat qishloqlarda, balki shaharlarda ham tomorqa xoʻjaligi jadal rivojlanib, aholi tomonidan meva-sabzavot yetishtirish ancha koʻpaydi.
Respublika ishchi guruhi aʼzolari tumandagi uyushmagan yoshlarning bandligini taʼminlash, yoshlarning tomorqa xoʻjaligini rivojlantirishga qoʻshayotgan hissalari va bu boradagi muammolar bilan tanishdilar.
16-yanvar kuni Oʻzbekiston Respublikasi Ichki ishlar vaziri oʻrinbosari, polkovnik Rustam Hotamov rahbarligidagi guruh aʼzolari Choykoʻl ovulida boʻlib, ovul yoshlari bilan uchrashdi. Qoraqalpogʻiston Respublikasi “Agrokimyohimoya” XAJ “Agrokimyohimoyaservis” AJ tuman filialiga qarashli 8 gektarlik olmazor bogʻ hududida boʻlib oʻtgan uchrashuvda guruh aʼzolari va ovul yoshlari bogʻda olib borilayotgan qishki yumushlar hamda bahorga tayyorgarlik ishlari bilan yaqindan tanishdilar.
Guruh rahbari, polkovnik Rustam Hotamov ekologik muhitni yaxshilash, xalqimizning meva-sabzavotga boʻlgan ehtiyojini qondirish, ayniqsa, bogʻdorchilikni rivojlantirish, tomorqa xoʻjaligini yuritish boʻyicha yoshlarga qimmatli maslahatlar berdi. Oʻzini-oʻzi band qilish tamoyili asosida har bir yosh oʻz xonadoni tomorqasi, koʻcha va yoʻl boʻylariga, boʻsh turgan yerlarga mevali daraxt koʻchatlarini, ularning oraliqlariga poliz va sabzavot ekinlarini ekish nafaqat oʻzi, balki oilasi hamda atrofdagilar uchun koni foyda ekanligini taʼkidladi.
Robiya Yoʻldosheva.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
